影片
更多
2020-11-03
1823 瀏覽
Hea行完一輪坪洲的景點, 又到晚飯時間, 想食嗰間已經客滿, 再揀一輪, 最終係呢一間較多客人的行來發餐廳落腳, 由於室內座位爆滿, 被安排坐出店外, 好似返咗大陸食飯咁, 颇有風味。煎蠔餅上枱隻碟非常震撼! 大得好誇張, 望落唔太油, 食落都算煎得乾身, 雞蛋煎得香口, 可惜的是蠔肉真的太少, 咁大碟加埋唔夠十隻蠔!白灼魷魚望落去好似冇乜特別, 但全晚最好食嘅竟然係呢碟, 很簡單的白灼魷魚片林上豉油、熟油, 再加上香蔥、芫茜及辣椒絲整色整水, 卻很美味, 魷魚薄薄一片, 入口爽彈鮮甜, 加埋啲香蔥絲同埋豉油, 簡單美味。生炒骨酸酸甜甜送飯送啤酒皆一流, 味道可以, 略嫌排骨炸漿硬了些, 排骨肉少了些。涼瓜炒雞相信呢度做街坊生意多, 啲夥記都好隨意下, 冇咩服務可以言, 但都唔會黑你憎, 3個人食四餸加啤酒汽水每人百零蚊, 比起其他離島算抵食!
煎蠔餅
上枱隻碟非常震撼! 大得好誇張, 望落唔太油, 食落都算煎得乾身, 雞蛋煎得香口, 可惜的是蠔肉真的太少, 咁大碟加埋唔夠十隻蠔!
白灼魷魚
望落去好似冇乜特別, 但全晚最好食嘅竟然係呢碟, 很簡單的白灼魷魚片林上豉油、熟油, 再加上香蔥、芫茜及辣椒絲整色整水, 卻很美味, 魷魚薄薄一片, 入口爽彈鮮甜, 加埋啲香蔥絲同埋豉油, 簡單美味。
生炒骨
酸酸甜甜送飯送啤酒皆一流, 味道可以, 略嫌排骨炸漿硬了些, 排骨肉少了些。
涼瓜炒雞
相信呢度做街坊生意多, 啲夥記都好隨意下, 冇咩服務可以言, 但都唔會黑你憎, 3個人食四餸加啤酒汽水每人百零蚊, 比起其他離島算抵食!
張貼
