影片
更多
2023-04-27
54 瀏覽
油甘魚(三切) $78 + 三文魚(三切) $68不論係油甘魚定係三文魚刺身都係超級厚切，差唔多成cm厚，食落非常鮮甜，而且入口即溶。黑豚胛心肉 $68店員拎呢串串燒上枱嘅時候，已經聞到好大浸香味。雖然好香肉味，但係肉比較瘦而有質感，完全唔油膩。阿波尾雞翼 $48店員特別推介呢款阿波尾雞翼。阿波尾雞係來自德島嘅著名食材，肉質比一般雞爽脆，而且脂肪含量低。呢款雞翼串燒表面香脆，咬落肉質都係比較爽實，而且十分雞味濃郁。雞胸軟骨 $48雞胸軟骨係好好嘅佐酒嘅小食，一件爽脆嘅軟骨連接住一件軟滑嘅雞胸肉，口感非常豐富。大蔥牛 $48大蔥牛肉係非常典型嘅串燒選擇。牛肉方面應該係選用咗牛柳，表面燒得香脆，肉質比較軟冧，特別一提的係大蔥完全唔會燒得乾或者太燶，既有大蔥嘅香味又可口。汁燒牛肋肉 $48 汁燒牛肋肉係期間限定的菜式，牛肋肉偏向軟冧，而且連接住少部份嘅脂肪，加埋餐廳獨特嘅醬汁，燒起上嚟非常香口。香菇 $28 一般嘅串燒蔬菜，譬如翠玉瓜或者香菇好容易燒得乾，但呢款香菇串燒完全唔乾，咬起嚟甚至有少少菇汁，調味方面只係用簡單嘅鹽就能夠帶起香菇嘅鮮味，非常推介大家食完肉之後食一串香菇串燒，更加感到蔬
不論係油甘魚定係三文魚刺身都係超級厚切，差唔多成cm厚，食落非常鮮甜，而且入口即溶。
黑豚胛心肉 $68
店員拎呢串串燒上枱嘅時候，已經聞到好大浸香味。雖然好香肉味，但係肉比較瘦而有質感，完全唔油膩。
阿波尾雞翼 $48
店員特別推介呢款阿波尾雞翼。阿波尾雞係來自德島嘅著名食材，肉質比一般雞爽脆，而且脂肪含量低。呢款雞翼串燒表面香脆，咬落肉質都係比較爽實，而且十分雞味濃郁。
雞胸軟骨 $48
雞胸軟骨係好好嘅佐酒嘅小食，一件爽脆嘅軟骨連接住一件軟滑嘅雞胸肉，口感非常豐富。
大蔥牛 $48
大蔥牛肉係非常典型嘅串燒選擇。牛肉方面應該係選用咗牛柳，表面燒得香脆，肉質比較軟冧，特別一提的係大蔥完全唔會燒得乾或者太燶，既有大蔥嘅香味又可口。
汁燒牛肋肉 $48
汁燒牛肋肉係期間限定的菜式，牛肋肉偏向軟冧，而且連接住少部份嘅脂肪，加埋餐廳獨特嘅醬汁，燒起上嚟非常香口。
香菇 $28
一般嘅串燒蔬菜，譬如翠玉瓜或者香菇好容易燒得乾，但呢款香菇串燒完全唔乾，咬起嚟甚至有少少菇汁，調味方面只係用簡單嘅鹽就能夠帶起香菇嘅鮮味，非常推介大家食完肉之後食一串香菇串燒，更加感到蔬菜嘅鮮味。
九鬼居酒屋
銅鑼灣耀華街21號華耀商業大廈地下7號舖
張貼
