老鍋台式火鍋 (金馬倫道) (已結業)

入冬後終於開始有少少涼意，最愛烚吓烚吓o既honey其實一早已經搜集哂資料，計劃好依兩個月要去邊度打邊爐，名單上有新有舊，尋晚兩口子就由最近佢工作會場o既尖沙咀代表「老鍋台式火鍋」食起。火鍋店雖為樓上舖，但大廈門外已見一位靚女姐姐仔落力地為新店作出介紹，並以側旁大大個易拉架指出鎮店特色鍋底。步出升降機，先由年輕溫婉o既哥哥仔接待入座，全因樓下位靚女姐姐早已通風報信。接待處中央有個鮮紅色o既招牌，右方則掛出兩個寫有「老鍋」o既燈籠。直入門旁其實仲有個估計同風水有關o既瀑布流水位，不過細佬臨走時先見到，當時已經飲咗酒，所以唔記得咗影相。大堂散座中o既二至多人枱均以屏風分隔，私人空間足得黎，間格、燈飾及木造椅桌都好有古代中國風味。除咗室內座之外，原來餐店仲有個大型露台，煙民都可以玩室外火鍋餐，真係夠哂全面。餐桌上食客自用o既餐具及用黎煮野食o既公筷廚具都一樣咁齊備，選以湖水綠色o既碗碟襯托，感覺傳統高雅。四周影完相後，返回座位當然係要先啤一啤佢啦！「老鍋」並未印製彩圖餐牌，現階段只有點菜紙一張，小肥就任由情人剔選愛好o既湯底及配料。話咁快靚仔哥哥就呈上大大個金鍋，更不忘提點睇熱，認真體貼。美