壹壹漁一 (已結業)

前兩日去左大角咀探朋友,到咗晚飯時間去搵嘢食.行過多盛酒店俾佢二樓間餐廳既banner吸引左,於是上去試下.上到去,好快就有侍應安排入座.餐廳地方好闊落,好舒服.睇下佢menu,有火鍋同set叫.火鍋平時都會食,所以叫左set.呢個set唔係似一般有晒菜單,而係依照日式嘅omakase形式,即係由廚師發辨,幾特別.由前菜到甜品,每一款嘅賣相都好靚同好食,絕對無馬虎,食物方面以海鮮為主,和牛配生蠔,愎煮三文魚扒,鮑魚, 加埋海蝦籠仔蒸飯,每一樣菜式隨左味道,賣相都好吸引.仲有花膠椰子烏雞湯同甜品黑芝麻雪榚,好滿足. 對比返價錢好抵食. 下次會再黎試埋呢度嘅火鍋