銘陽車仔麵 (已搬遷) 新店位置

呢日因工作需要去左荃灣路德圍做嘢，下午茶時間覺得肚餓，就走隨意入去呢間《銘陽車仔麵》食個下午茶。除咗車仔麵，飲品都有好多選擇。我叫咗個下午茶餐三寶 - 滷水豬大腸、台式五香腩肉、魚片頭麻辣醬粗麵 ($39)，飲凍抹茶珍珠 (下午茶時間跟麵只需$5)。個車仔麵都算多餸，麻辣醬麻辣味唔太濃，滷水豬大腸炆得夠腍，台式五香腩肉夠入味，魚片頭彈牙，整體味道可以。凍抹茶珍珠，甜度適中，抹茶味如果濃啲會更好飲。整體感覺，食物味道可以，環境都算乾淨，可以一吃。