樂天冰室 (長利商業大廈)

營業中

休息中

啲服務態度極差！！食個早餐都要睇佢面色😡😡😡平時都係買外賣食，今日有時間坐低堂食結果大開眼界，無啦啦都好似得罪佢咁，叫佢落單，睇到你扮睇唔到，應又唔應你，同個朋友坐低食嘢，正常聲浪傾偈，個夥計走埋嚟叫我哋細聲啲講嘢，大佬，茶餐廳黎架，你以為係圖書館呀！？啲夥計個個都黑面，係佢個老細虐待佢哋所以要對啲客黑面？一早食個早餐，就係想有個好心情啫，咩都俾你破壞晒啦。係咪而家多番自由行，就唔休做先？係你咪講囉，專做自由行生意嘅，香港人就唔會幫襯你囉。