影片
更多
2013-02-10
658 瀏覽
約左好朋友去佢公司附近食午飯~心諗長沙灣有咩地方食野又可以坐得好少少!呢區我既印象係工業為主,食飯都不外乎茶餐快餐,仲有一兩間酒樓LA..點知今日行行下搵到意外驚喜!行過某某大廈,見到個好吸引的招牌,D相好似唔錯,間餐廳要行上二樓,見有少少時間,就行上去睇下!!門口有個玄關位,喺出面睇唔清楚入面D格局,睇到個餐牌,覺得喺呢區黎講要成5 6十蚊一個餐,都唔算平,見既然有緣黎到,就決定一試~12點鐘入到去,好正常係冇乜人,想揀一個靚位,一邊靠室內比較昏暗有點浪漫氣氛另一邊就靠窗有陽光,兩邊都好吸引我,最後我選擇左陽光一邊~有位女服務員非常好耐性咁等我坐落先送上一杯清水一開始意紛飯已經唔係我會選擇之列,而且我對羊食亦情有獨鐘,於是就點了其一個午餐’’扒紐西蘭羊扒配牛油蘋果汁’’ 揀左佢個是日沙律同甜品田園沙律 – 用料尚算新鮮, 又洗得好乾淨冇黑邊~菜款5,6樣,好唔錯,啡啡地色的汁我猜想係用蘋果加醋加糖調配,酸酸地食落好開胃~只係分量少左D,要同服務員講要添加~!本以為冇叫佢個餐湯就唔會有面包食,估唔到佢上左一客包比我,見佢又唔係意大利包咁點醋食不過既然喺我面前,我就本住唔好浪費食物既心情
呢區我既印象係工業為主,食飯都不外乎茶餐快餐,仲有一兩間酒樓LA..
點知今日行行下搵到意外驚喜!
行過某某大廈,見到個好吸引的招牌,D相好似唔錯,間餐廳要行上二樓,
見有少少時間,就行上去睇下!!門口有個玄關位,喺出面睇唔清楚入面D格局,
睇到個餐牌,覺得喺呢區黎講要成5 6十蚊一個餐,都唔算平,見既然有緣黎到,就決定一試~
12點鐘入到去,好正常係冇乜人,想揀一個靚位,一邊靠室內比較昏暗有點浪漫氣氛
另一邊就靠窗有陽光,兩邊都好吸引我,最後我選擇左陽光一邊~
有位女服務員非常好耐性咁等我坐落先送上一杯清水
一開始意紛飯已經唔係我會選擇之列,而且我對羊食亦情有獨鐘,
於是就點了其一個午餐’’扒紐西蘭羊扒配牛油蘋果汁’’ 揀左佢個是日沙律同甜品
田園沙律 – 用料尚算新鮮, 又洗得好乾淨冇黑邊~菜款5,6樣,好唔錯,啡啡地色的汁我猜想係用蘋果加醋加糖調配,酸酸地食落好開胃~只係分量少左D,要同服務員講要添加~!
本以為冇叫佢個餐湯就唔會有面包食,估唔到佢上左一客包比我,見佢又唔係意大利包咁點醋食
不過既然喺我面前,我就本住唔好浪費食物既心情食左佢~
唔知佢地有冇諗過客人乾食面包的感覺係相當難受,
主菜: 扒紐西蘭羊扒配牛油蘋果汁,落單時服務員冇問到件羊需要几多成熟,我就心感不炒~
上到黎見到佢唔係燒製,有少少失望,因為我個人比較中意燒羊肉多D~
羊扒點少少牛油蘋果汁食入口,肉質方面一D都唔鞋唔老,有嫩滑既感覺,只可惜冇咩羊味,反而有少少食緊牛仔肉咁~牛油蘋果汁真係要用心體會先可以食得出佢既味道~食落冇牛油既香又冇蘋果既酸甜..即係冇咩味~可能我諗得太多,高估左佢
配菜放得好靚~有薯仔同西蘭花...好易食得出兩者都係烚熟之後再小炒左一野,相信係務求令菜本身有少少香味,
西蘭花尚算可以, 但係薯仔就冇乜味~唔炒好過~
最後甜品有芒果三色: 相當唔錯既甜品,兩層既口感同味道都好突出,只可惜最底層既芒果肉太粹,食唔到咁濟, 如果佢叫芒果双拼而將D芒果肉撈埋入去會更好~!!(至少唔好話比人知係三色先LA!!)
最後餐飲有coffee or tea,我問服務員今日係乜野coffee AND 乜野tea,
佢居然答我: 一般果D囉…~噢~即時打左個折~雖然我唔係期望佢有好多款選擇,
相信佢地收得呢個價錢, 答得可以再好少少~ 最後我實在唔敢再有期望,所以點左杯熱檸水
總括…我個人認為佢開得呢個’價’其實真係勇氣既表現!
有客人上去食飯,極可能係一時衝動或者真係想搵個地方坐得好D,
呢個係環境價而唔唔會食物品質價~!!
題外話/補充資料：
餐廳好多野做得好仔細, 我最欣賞除左佢自然光之外,
餐廳既專用洗手間都係我欣賞既地方~好乾淨而且有格調,擺設好精緻~令人感覺好舒服~
(以上食評乃用戶個人意見 , 並不代表OpenRice之觀點。)
張貼
