強記魚蛋粉 (已結業)

大件夾抵食平時好少出嚟慈雲山呢一區，夜麻麻見到好多店已經閂門，橫巷有間店仲未熄燈就入去幫襯下。最近因為生酮，所以冇叫到飯，叫淨餸。舖頭坐滿人，但係落左order之後唔使5分鐘就上菜，真係香港地道茶餐廳先做到。黎左個淨牛雜先，又足料又香，個汁先係精華🤣🤣 真係好想叫個靚仔送飯。之後嚟咗個淨豬手，$40幾蚊有4隻大大隻。炆得好淋，又做到好彈牙，一啲都唔悔。希望呢d小店繼續努力經營，食出香港道地人情味。