Meltlyplace (已結業)

有次同事請左我食一塊咸蛋黃蝴蝶酥，先知原來堅道有間甘好食既餅店，趁有屋企人生日，於是順便試埋佢d蛋糕。咸蛋黃蝴蝶酥一定會買，因為真係好香，加上佢既蝴蝶酥好鬆化，雖然肥死，但你會食到停唔到口！本身想買造型最得意既蘋果cheese cake，不過無大個whole cake版，局住買幾件細切餅；西瓜蛋糕、粟米蛋糕、朱古力蝴蝶酥餅，最好味係粟米蛋糕，因為好香粟米味，以為入口好古怪，又唔係喎，粟米mousse好似飲緊粟米湯甘；西瓜蛋糕就cream多得滯，甜左d，唔清爽；朱古力蝴蝶酥比人一啖食晒，隊長無份食⋯⋯蘋果cheese cake有點失望，兩種味唔夾，感覺入口兩種味係分開，好奇怪。如果佢唔係係半山，我諗我會成日去幫襯！