泰筏味泰國船河專門店 (已結業)

喺泰國食嘢，成日可以食到成枱都係。原因係拒嘅嘢又平又好味。估唔到香港都可以做到呢個盛況。一嚟到見拒餐牌上午市的湯河45蚊一碗，之後隔離寫住15蚊。我地即刻諗，15蚊？45再加15蚊炸掛？問一問，原來真係15蚊，老闆話泰國嘅船河本身就係細細碗，呢到係貫徹泰國嘅作風，當然亦有招來嘅因素。湯底顏色係深啡色，係正宗船河的顏色。味道亦正宗，特製湯底再加上小許香料香。粉麵有幾種不同的類型選擇，由泰國常客金邊粉至新創意綠茶面都有。還有我最喜歡嘅河粉，泰國嘅呢種河粉係比較厚身，闊，短身。我喜愛拒嘅口感煙韌，而又似河粉味。配料種類可以用好多嚟型容，有牛雜，牛腩，豬雜，豬頸肉等等。幸好呢到嘅份量細，所以我可以叫幾碗唔同的配料，試多幾樣嘢，一個人食都唔怕。除左湯河之外，呢到仲有傳統嘅小食，泰式生蝦，蝦餅，魚餅等等。質素都確實不錯，特別係呢個泰式生蝦，味道鮮，還配上泰式的醬料。店舖係以自助嘅形式購買嘅，先買單，後取食品。今日我一個人就食左3碗，再加d其他嘅小食，甜品，份量剛好。