The Pudding Nouveau (已結業)

同老公喺附近食完lunch，見有時間就想歎返杯咖啡。其實大坑嘅cafe已經試過幾間，今次想揾間新嘢試下，盪下盪下，見到呢間門面幾靚、又幾多人嘅cafe，就入去試下。本來有張喺店中間較闊嘅枱可以比我地，但侍應見我地後面仲有一家三口客人，就叫咗我地坐最入果張細枱，咁我又見人家有小朋友，就讓比人啦，點知中伏...坐低發覺，個位好迫，格離得返好少位員工仲要出出入入，後面就係洗手間，仲要度門半開...我背向洗手間還好，而面向洗手間嘅老公就比頭頂冷氣直吹，佢面色開始有變...心知不妙唯有拿拿林叫嘢食。我地叫咗杯mocha同佢特別介紹嘅烏龍茶法式燉蛋。先嚟mocha, 拉花不錯，奶泡算挺身，無話放一陣就下陷走樣，飲一啖，奶幾滑，但朱古力味太重、太甜(我無落糖)，全無咖啡味，失望...到個烏龍茶法式燉蛋，成個造型其實唔錯，但睇多兩秒已見敗筆。焦糖燒得唔夠，根本唔"焦"。再講味道，烏龍茶是ok的，亦夠茶味，但撈埋個燉蛋顏色就好似泥咁，質地又唔夠軟滑，過實，成個感覺好膠，好似倒瀉魚膠粉咁。旁邊生果又唔新鮮，有兩粒藍莓有怪味。仲夠膽叫價$78! 外邊好多糖水舖賣三十幾蚊嘅都好食過佢！此時老公已經黑面...食