Gyutan Toku牛舌專門店

營業中

休息中

今日黎到一間位於土瓜灣既牛舌專門店。雖然餐廳細細，但係坐滿哂客人，加上別緻既日本裝飾同暖黃既燈光，成間餐廳個feel都好好～✨極上牛舌定食牛舌既份量好多，而且每塊都好有厚度。牛舌燒到啱啱好，表面慢慢烤得金黃色同香脆，而入面仍然保持到粉嫩既顏色，啲肉質真係好嫩滑，令啲肉入口即化。而且，牛舌唔係太肥膩，食嚟唔會膩口，一定要趁熱吃，啲肉汁都會流出黎，好滋味！✨汁煮牛舌定食汁煮牛舌用左類似紅酒汁既味道黎炆煮，食落帶少少酸，感覺唔會好heavy。而相對極上牛舌，呢個定食既牛舌雖然煮得耐，但一啲都唔會韌，反而好淋好滑，好似食緊炆左好耐既牛腩咁。而煮牛舌嘅汁好濃郁，有啲酸甜嘅風味，令到牛舌更加有層次感，，好開胃啊！✨土佐豆腐土佐豆腐先沾上麵粉同蛋漿油炸，之後再加上木魚花、蔥花同紫菜，再淋上木魚醬汁，味道酸酸甜甜，豆味濃郁。口感外脆，又吸哂醬汁，配埋內裡嫩滑既豆腐，層次豐富，十分惹味。每個定食都有沙律、涼拌菜、茶碗蒸、味增湯，都幾抵食架！加埋生啤同杯highball，就係完美既一餐啦！