鐵堂 (已結業)

店鋪主打四款套餐，而且每款套餐都係統一$88一款，同一張單據第二個套餐仲可以有半價，所以約埋朋友一齊去真係好抵食。鐵套餐，有紅酒牛肋肉、炸蝦、唐揚雞、芥末八爪魚、月見飯，先食芥末八爪魚小食開一開胃，炸蝦好酥脆一d都唔油膩，店主仲自創沙律醬混合黑松露，配炸物非常夾，牛肋肉切成小粒狀，方便一口一粒食用，而且紅酒味道更容易滲入牛肉，個飯用左日本生蛋黃，攪拌之後粒粒飯都金黃色，好滑溜，蛋香味濃。銅套餐，有帆立貝、炸蝦、雞皮餃子、芝麻八爪魚、烏冬，帆立貝超大粒，而且去除晒內臟部位，將雞皮當餃子皮包住餡料拎去炸，雞皮脆口餡料軟淋，兩者有互相輝映作用。