影片
更多
2024-12-09
417 瀏覽
最喜歡打邊爐，將軍澳依間第一次嚟！餐廳環境企理乾淨，光猛明亮，而且座位寬敞舒適，空間感充裕，唔會好迫，坐得幾舒服。我哋叫左澳洲極上和牛，每位$338 120分鐘，套餐包每位有兩粒澳洲M9和牛牛丸2粒之外，仲可以任食餐牌所有嘢。有恆生信用卡客戶還有九折，落單前會確認先。可透過QR code自助下單，會見到好多特色台灣小食，鹽酥雞、台式香腸、油炸鬼等，超多種類任叫唔嬲，嫌未夠喉，仲可以出去自助區比大家自己選擇，自助區一樣有好多火鍋配料，火鍋配料相當豐富，有蜆、有蝦、有魚等新鮮海鮮，仲有各款醬料和各式各樣丸類、菇類、蔬菜、支竹、芋頭、萵筍、麵類。蔬菜都比一般任食火鍋店新鮮，保證食到飽。牛大人湯底有好多款，贈送的「澳洲M9和牛牛丸」真係好重牛味，咬開有肉汁和彈牙，同出面啲牛丸完全唔同。另外，牛有好幾款，「安格斯牛小排」、「美國PRIME極級肩里肌」、「西班牙豬梅肉片」、「安格斯特選牛板腱」、「上腹牛五花」。而且店員會將每碟都放左個牌仔上去，俾你知道自己叫咗咩肉，有時花多眼亂真係會唔記得自己叫咗咩嘢。飲品還有自家製茶，白桃烏龍、桂花烏龍、洛神花茶等，應有盡有。最後當然要食埋 häagen-daz
我哋叫左澳洲極上和牛，每位$338 120分鐘，套餐包每位有兩粒澳洲M9和牛牛丸2粒之外，仲可以任食餐牌所有嘢。有恆生信用卡客戶還有九折，落單前會確認先。可透過QR code自助下單，會見到好多特色台灣小食，鹽酥雞、台式香腸、油炸鬼等，超多種類任叫唔嬲，嫌未夠喉，仲可以出去自助區比大家自己選擇，自助區一樣有好多火鍋配料，火鍋配料相當豐富，有蜆、有蝦、有魚等新鮮海鮮，仲有各款醬料和各式各樣丸類、菇類、蔬菜、支竹、芋頭、萵筍、麵類。蔬菜都比一般任食火鍋店新鮮，保證食到飽。
牛大人湯底有好多款，贈送的「澳洲M9和牛牛丸」真係好重牛味，咬開有肉汁和彈牙，同出面啲牛丸完全唔同。另外，牛有好幾款，「安格斯牛小排」、「美國PRIME極級肩里肌」、「西班牙豬梅肉片」、「安格斯特選牛板腱」、「上腹牛五花」。而且店員會將每碟都放左個牌仔上去，俾你知道自己叫咗咩肉，有時花多眼亂真係會唔記得自己叫咗咩嘢。飲品還有自家製茶，白桃烏龍、桂花烏龍、洛神花茶等，應有盡有。最後當然要食埋 häagen-dazs 雪糕、雪條，超級滿足呀！
今次去呢間將軍澳分店好大間，座位比起其他分店感覺更加闊落舒適，地方乾淨衛生，食物不錯，店員服務態度又好，經常會主動加湯，同埋食物選擇多，上菜速度很快，每次出去拿取食物或飲品時，店員迅速整潔好桌面，而且收碟都好快，都會令人留下深刻印象，整體屬於出色嘅台式火鍋餐廳，值得推薦。
張貼
