影片
更多
2016-10-29
2256 瀏覽
又喺麻甩飯局~ 每次飯局前都係先happy hour, 飲完酒喉乾鼻"確", 梗要搵番啲熱辣辣濕濕哋嘅嘢醒番個胃~蒸斑頭腩 - 雖然覺得有少少過熟但大部份都仲滑溜，調味真係冇得頂，其中落咗啲果皮絲好清香，諗番起媽媽蒸魚都會落果皮~百花釀三寶 - 熱辣辣咁上枱，厚厚嘅蝦膠十分彈牙，加上個咸甜適中嘅薄芡，係上得大枱嘅煎釀三寶！墨魚紅腸 - 墨魚欠缺應有嘅鮮滑彈牙；反而預製組件嘅紅腸，"點"完啲豉油汁再點辣椒油，非常香口！碟辣椒油真係無得彈！湯浸肉碎唐生菜 - 清湯一啲油都冇，但每條唐生菜都掛住薄薄一層油份，緊緊灼熟，脆甜~ 菜冇油就會變得好寡架喇；半肥瘦肉碎唔咸，成碟餸都食到食材原味~蠔仔粥 - 湯清甜夠味，蠔仔鮮嫩肥美~後記：成餐都夠清爽，酒後口鞋脷素至啱；唔好以為老闆(落手落腳招乎人客嗰位) 木口木面好似好寸咁，其實係因為忙到pk; 到我哋食完嗰陣佢走埋嚟幫我哋每人斟杯熱水，窩心~ 哩度就係食到人情味同廚師功力
每次飯局前都係先happy hour, 飲完酒喉乾鼻"確", 梗要搵番啲熱辣辣濕濕哋嘅嘢醒番個胃~
蒸斑頭腩 - 雖然覺得有少少過熟但大部份都仲滑溜，調味真係冇得頂，其中落咗啲果皮絲好清香，諗番起媽媽蒸魚都會落果皮~
百花釀三寶 - 熱辣辣咁上枱，厚厚嘅蝦膠十分彈牙，加上個咸甜適中嘅薄芡，係上得大枱嘅煎釀三寶！
墨魚紅腸 - 墨魚欠缺應有嘅鮮滑彈牙；反而預製組件嘅紅腸，"點"完啲豉油汁再點辣椒油，非常香口！碟辣椒油真係無得彈！
湯浸肉碎唐生菜 - 清湯一啲油都冇，但每條唐生菜都掛住薄薄一層油份，緊緊灼熟，脆甜~ 菜冇油就會變得好寡架喇；半肥瘦肉碎唔咸，成碟餸都食到食材原味~
蠔仔粥 - 湯清甜夠味，蠔仔鮮嫩肥美~後記：成餐都夠清爽，酒後口鞋脷素至啱；唔好以為老闆(落手落腳招乎人客嗰位) 木口木面好似好寸咁，其實係因為忙到pk; 到我哋食完嗰陣佢走埋嚟幫我哋每人斟杯熱水，窩心~
哩度就係食到人情味同廚師功力
張貼
