祥利飯店 (已結業)

昨日放工，朋友說看了東張西望提議到這間即將在4月28結業的老店試試。人非常多，排隊至街尾再轉角。叫了很多，蒸鱔、蠔仔粥、九肚魚等都很不錯，雖然坐得很擠，但是是值得一試的老店。

多年來都想試下，不過次次夜晚經過都好多人，最近知道祥利快結業，終於幾唔得閒都來到。中午冇潮州小菜食，平日晚上總是座無虛席。紅蘿蔔🥕豬軟骨煲用左豆瓣醬煮，豬骨都多肉，夠入味。好熱，冷氣唔夠。豆鼓鯪魚油墨菜，極普通，不過朋友要食照叫！So 炸油魚份量超多，朋友話今次整得特別好味，平時呢款好多油的。煎釀魚肉西椒，說不出的家鄉味道！魚肉新鮮打出，很足料，夠彈口！其實一間開左六十年老店， 突然消失都幾可惜！見到好多熟客都同肥老細吹口吹到唔停～

前排周末同家人出去食飯，突然想食潮州野，諗起呢間之前食過都唔錯，今日再試下未到7點就去到，所以人還不多，但過左7點就愈來愈多人了去到潮州打冷，當然叫個滷水先滷水鵝腸拼鵝翼，份量都幾多滷水汁濃郁，而且熱辣辣，鵝腸鵝翼又吸哂味😋下邊仲有d豆腐更加吸哂滷水精華打冷點少得韮菜豬紅，豬紅唔會一夾就散，食落都幾嫩滑，而韮菜十分新鮮，咬落爽口唔會有渣，最緊要配埋潮州辣椒醬😋十分惹味蠔仔粥都係打冷必食👍蠔仔都幾肥美唔會好腥，不過方魚味較淡粥底都做到飯水分明，小窩都有成4-5碗除左潮州菜，仲有得叫小菜煲仔菜叫左個蜆蚧滑雞煲，唔同地方有得食記得之前黎食係十分惹味，不過今次較遜色蜆蚧味冇之前咁濃😭而雞肉煮得嫩口，醃得夠味，爆得乾身👍蔥都炒得好香總括黎講: 味道不錯，款式選擇多，價錢相宜，不過大排檔般的飯店坐得係冇咁舒服三個人3個送+1個粥同1支啤酒都係$293餐牌🍴👇👇🍳🍴味道: 7.5/10👩👨服務: 6/10🏠💺環境: 4/10💰💸抵食: 7/10總消費: $293 (3人)

先講講缺點，鋪頭好細！朋友話去祥利食飯真識食，咁又睇吓祥利有幾正先。滷水鵝片，韮菜豬紅，𧐢餅，炸大腸，起筷！韮菜豬紅同其他食店無咩分別，滷水鵝片味道適中唔會太咸，𧐢餅外型出奇地吸引，人地d𧐢餅炸到成個芙蓉蛋餅款，祥利可以炸到成朵花咁款，真利害！ 炸豬大腸係最驚喜嘅小菜，外皮炸得夠脆，但內層有𡁻口，讚！朋友話，老細埋單好似唱 Hip Hop, 唱完一大輪就講出個總算，我去完廁所，翻黎嘅時間朋友話老細表演完，錯過咗表演哩一幕，激氣！

呢間打冷成日去，好有FEEL，又好食，位置灣仔三角街喺正中心地段，好易搵佢地朝牌菜鹵水鵝，蠔仔粥，蠔餅，墨魚鹵水，啫啫雞煲，都係我既至愛..............................老闆仲好好人，成日同我地吹水叫碟鵝片，再叫個鹵水併盤，再叫兩支啤酒，兩三個朋友，又過一個晚上

灣仔人必須知道的祥利飯店，位於灣仔三角街上，門面至內裡幾乎沒裝修，只有一個閃亮的銀色招牌寫著“祥利飯店”四大字，門口一個魚缸。平時經過都沒亮燈，以為沒有在營業了。同事們對這潮州店十分喜愛，並介紹我來，他們對此非常熟悉，一口氣點了他們心目中喜愛排行榜上的菜式：雞腳花生 - 冷盤小食，雞腳和花生已浸得入晒味，咸香花生吸收了雞腳精華，頭盤必點！炸蠔餅 - 新鮮即炸，大大塊大過你塊面，香脆可口，多蠔肉，不像其他店的落太多麵漿，所以吃完也不添太多飽肚咁！滷雜 - 滷水拼盤，又是必須點的！各種滷水材料，肉質爽滑彈牙。韓式骨 - 大塊排骨，以熱窩燒熱上枱，外脆內軟，咬下去肉汁與肉質口感一流，一煲大約6件。同事們吃得滋味，我倒是怕油膩熱氣！鴛鴦咕嚕 - 咕嚕肉菜式，裡頭好像是蝦和雞（？）加菠蘿、青椒、洋蔥炒，甜甜酸酸，夏天最開胃！蠔仔粥 - 這是本人的推介，傳統潮州菜中必須吃一煲含蓄的潮州粥。粥底有肉碎和細細粒蠔仔肉，味道剛好，不會太淡太咸！豉油王炒麵 - 原先以為是普通茶餐廳菜式，但這麵炒得同樣出色，芽菜爽脆，麵炒過後乾爽，不油淋淋。啫啫通菜煲 - 以蝦乾還有店家秘密醬料煮成的通菜煲，通菜吸收蝦乾香

同事一直大讚呢間好好食, 仲要一星期去兩晚, 攪到我鬼死咁想去食, 啱啱沉日行完百萬行, 班同事話想去食韮菜豬紅, 咁就嚟咗祥利喇。坐低原來打冷嘢要夜晚先有, 即係無韮菜豬紅囉, 同事叫咗仔粥同砵仔焗魚腸, 我仲叫咗我去到邊度, 有就一定會嗌既炸餅同炸大腸(佢係椒鹽白飯魚併的), 想加個菜, 大廚推介蝦乾炒菜苗。因為係下晝2點幾, 我哋係落場前最後一枱客, 佢上菜真係傳說中好快㗎, 仲好熱添。老實講, 打冷店嚟講, 佢就唔算乾淨喇, 地下好滑, 我覺得坐得唔係咁舒服同放鬆囉, 平時去街邊打冷可以好hea㗎嘛。仔粥 : 同事叫走芫茜, 我諗有芫茜其實會好食啲, 我唔食醃菜的, 佢落超多冬菜, 喊到苦, 湯唔多, 飯就多, 係飯呀, 一粒一粒好硬既飯呀, 與其叫佢仔粥, 我諗叫佢冬菜仔泡飯會比較適合, 不過仔都算多既 (呢個大既$70, 仲有中既$60, 細既好似係$45)炸餅: 仔唔多, 而且好細粒, 蛋同粉就好多, 炸得係靚㗎, 不過燶咗啲, 邊亦無。仲有佢個魚露係十級咸, 得個咸字, 無其他味, 所以好鍾意食既我, 食咗一角仔就放棄咗, 無魚露又失色嘛, 如果要食

又喺麻甩飯局~ 每次飯局前都係先happy hour, 飲完酒喉乾鼻"確", 梗要搵番啲熱辣辣濕濕哋嘅嘢醒番個胃~蒸斑頭腩 - 雖然覺得有少少過熟但大部份都仲滑溜，調味真係冇得頂，其中落咗啲果皮絲好清香，諗番起媽媽蒸魚都會落果皮~百花釀三寶 - 熱辣辣咁上枱，厚厚嘅蝦膠十分彈牙，加上個咸甜適中嘅薄芡，係上得大枱嘅煎釀三寶！墨魚紅腸 - 墨魚欠缺應有嘅鮮滑彈牙；反而預製組件嘅紅腸，"點"完啲豉油汁再點辣椒油，非常香口！碟辣椒油真係無得彈！湯浸肉碎唐生菜 - 清湯一啲油都冇，但每條唐生菜都掛住薄薄一層油份，緊緊灼熟，脆甜~ 菜冇油就會變得好寡架喇；半肥瘦肉碎唔咸，成碟餸都食到食材原味~蠔仔粥 - 湯清甜夠味，蠔仔鮮嫩肥美~後記：成餐都夠清爽，酒後口鞋脷素至啱；唔好以為老闆(落手落腳招乎人客嗰位) 木口木面好似好寸咁，其實係因為忙到pk; 到我哋食完嗰陣佢走埋嚟幫我哋每人斟杯熱水，窩心~ 哩度就係食到人情味同廚師功力

2016.07.04為何深夜總是餓難得提早放學，眼見金鐘無什麼好食一行四人行左去灣仔 👬👭正當我們討論得興起，一陣濃濃的滷水香味 傳出跟隨著味道一望，無意間居然搵到間懷舊潮州打冷老店小店的裝潢很有傳統的味道 🏮店面對街的窗掛著滷味、烏頭等食材店內牆上掛著紅紅綠綠的膠牌而且菜單亦是用白色的毛筆字親手寫上可見對食物及客人的誠意，是不容置疑的涷烏頭 時價 $100我本身不太喜歡食海鮮類的但一入門口見到店員用粗鹽醃製的#涷魚的確是挺吸引的不要以為用粗鹽醃製會好咸，鹽巧妙帶出魚的鮮味配上醬料，味道剛剛好去得打冷，點少得食蠔仔這裡的蠔仔絕對是真材實料，粒粒都咁肥美可口😋蠔仔粥食蠔仔粥最怕食到一口沙對於啲點就絕對可以放心；每一啖食落口的都是蠔仔，份量十足而且絕對可以用鮮甜來形容蠔仔餅 $75蠔餅是食潮州打冷的重要一環香口酥脆是必須的先不說蠔餅金黃色的外表，令人口水都流埋，一讚我只可以話老闆對自己的蠔仔是非常有信心的肥美的蠔仔沒有配上過分多的粉(最怕食粉飽)，二讚而且脆口卻不太油膩，食多都冇咁多罪惡感，讚讚讚 😚滷水鵝片拼大腸 $100食打冷，滷味配上啤酒 🍺簡直絕配 人生一大享受我本來係為左食大腸而

OT 到11點要食D嘢醫下肚,灣仔11點後選擇.不多,係大街見到個横巷有招牌燈,心諗可能係按摩廣告,竟然係打泠!!!!!!ㄧ望入去遠處有ㄧ間燈火通明的舖頭心想應該没收有個伙計坐係門口煲煙我ㄧ問收左没,他即刻話跑馬日D人没晒錢就入來食嘢没禁快收D我没理去講D咩第ㄧ時間睇menu 想來想去都唔知食咩,最後叫了個蜆蚧滑雞煲。ㄧ來到的時候,鑊氣充足,煲邊發出的聲隔離枱都望住。香氣十足- 70大洋雞件唔會太鹹,有一種特別的鮮味,蜆蚧同羗沖非常match;,因唔住要叫碗白飯將所有煲裏所有汁吸乾豪邁的吃法飯店最正的ㄧ點是播著 Boney M 的 Rasputin 太正啦!估唔到會有咁正的Disco 歌。總結宵夜的打冷有好吃的小炒又有個性的特色值得再來。.下次要試下鹵水嘢

晚上去朋友屋企飲酒，要買野餸酒，夜晚十一点幾，其實選擇真係唔係咁多，由莊士敦道轉入三角街，統於揾倒啲可以餸酒嘅野喇，潮式鹵水！間野叫祥利飯店，望下的野都過得去，問斬料師傅: 半隻鹵水鵝幾錢？師傅話: 要問下喎。跟住佢問店內一男子，個男子答: 半隻要500 蚊。咩話？中環鏞記燒鵝都唔使咁貴喎！跟住我問：例牌幾錢？師傅話：75蚊。心諗: 合理！叫左一個鹵鵝例牌，同一個鹵水併盆。見住個師傅斬呀斬，發覺佢擺左差不多三份一邊鵝人盒度，就。心諗: 75蚊三份一邊鵝，但點解半隻要500蚊？呢條數我計到今日都計唔惦。返到去開盒食喇，鵝唔鞋唔靱，但肉味同鹵味都麻麻，鹵水可以話唔香，最多只係合格。到盒鹵水併盆，好豐富，有:豬大腸、生腸、鵝腸、豬頸肉、鴨腎、墨魚及紅腸等等，鹵水香味偏弱，但呢啲野都能做到應爽嘅爽，應焾則焾，叫做唔錯啦！總結：咁夜150蚊買倒兩大盒野餸酒，都叫做倒野喇！

上星期係附近游完水路過肚餓 入左黎試下呢間食肆位於街市當中店鋪內都幾熱鬧 同埋幾逼因為同行得兩個人 所以淨係叫左兩碟小菜"鹵水鵝配墨魚"同埋"金菇肥牛煲"先講金菇肥牛煲：牛肉片份量好足而且每片都好大塊但又唔會太厚煮出黎好冧 易入口配埋金菇同醬汁送飯真係好好食之後到鹵水鵝配墨魚：鹵水汁同鵝肉好夾而且鹵水汁好入味不過刀功麻麻地 隻鵝好多碎骨同埋肉唔太多 lun骨多過食鵝肉墨魚煮得好彈牙 配鹵水汁都唔錯同埋有炸豆腐係底 食太多肉可以食返一兩舊豆腐清淡d整體上真係好食 有老字號既味道略嫌有少少貴 最好搵多d朋友黎一齊食

香港名言：豆腐火腩飯是男人的浪漫。在我的世界，豆腐火腩飯是曾經和女生一同食過的，所以不太苟同。在我的世界，潮州打冷才是男人的浪漫，無他。從來沒有和女生吃過一次，一次都沒有，不過也沒什麼，我的男性朋友比女性朋友多一大堆。中五時會考不夠分，沒能入原校，一滾就滾進了開學才知道是男校的校園...我必須承認，那痠脹的青春到這刻才真正完結，然後一個瘋狂的學涯開始。在那壯志凌雲的時光，與我一同玩盡中學時代的這一群人，就成了很重要的一群友人，支撐着我的人生。J先生是灣仔地頭蟲，每星期都幾乎到這裹的佛堂，一晚相聚，S先生、D先生、V先生、C先生、兩位J先生和我來到了祥利打擾，日子久遠得可以追索到五六十年代，從春園街做到三角街，由父親做到第二代的區璟遇，一代的老街坊，大廚根哥和潮州師傅張哥，和他合力撐起香港歷代的風花雪月，人事變遷，多少走馬看花在他那眼簾飄過，只要店裹燈火通明，就有他在。「生買手死事頭，力不到不為財。」他父親教下的條條道理，帶領着他做人，挺起了這間老店的日夜年月，每晚都會見着一個伙記在店中穿梭，一把聲音傳遍整個桌面，不用一筆一紙，一把聲一個腦袋，寫下了全店的菜單，從沒漏單，從沒算錯，雄糾糾

小家庭食團年飯，放工在灣仔，就一行四人找個平平哋地方食餐家常飯，畢竟今年花紅少了一截；三角街的祥利，聽過未去過，就搞搞新意思，唔駛等位，可能時間尚早。叫咗鵝片拼魷魚，椒鹽九肚魚，薑汁炒芥蘭，白粥，白鱔煲。味道樣樣都唔錯，芥蘭當灶，炒得恰到火喉，所以全餐最出色，九肚魚過咸同炸得唔夠，鵝片口感唔錯但個人覺得唔夠味，餸白粥有點寡。整體嚟講，當家常便飯都可以經常去下。

此店地處街巿，座位非常擠逼，聲音吵吵鬧鬧，但老是坐滿。大荳芽山根炒蝦乾:這個小時家裡常有的菜，有錢人家特別喜愛，因小時沒吃過這種下價菜，我們則不大喜歡。蝦乾浸了水，不脆也不好吃。啫啫雞煲：非常之熱，如其名，出來時還是燙得啫啫聲，雞肉是挺滑，汗極惹味。油浸筍殼魚：見有此菜，久未嘗，特叫了一客，果真懷舊，魚肉炸得油香脆滑，是今晚之最。金銀蛋時疏浸肥牛：牛肉頗滑及冧，尚可。香煎蠔餅：賣相刺激，如一大片天婦羅，蠔仔香味十足。涼瓜炆班頭腩：此菜一般，苦瓜能保持其苦澀味。腩肉是魚，但不知何魚，並不彈牙。此店可一嘗，但味道一般，招呼極差，也不平宜，環境亦不好。