榮哥煮場 (已結業)

濃湯花膠雞煲花膠大大片、數量不少，彈牙嫩滑，雞件肉厚皮簿，多得店員提醒，煲到滾咗就要熄火，免得雞肉變老，湯底沒有落味精，最後飲咗好多碗，飽到要打嗝。特色煤炭飯提子乾、糯米、糙米，仲撈咗d墨魚汁，熱氣上騰，整體味道甜甜地，口感似食緊好好味嘅粢飯，有口感，個人非常喜歡，忍唔住都要追加多碗！酸甜藍莓骨見到最多人推薦，試咗之後覺得隻醬同IKEA藍莓醬超級似！排骨炸得很酥脆，點上酸甜汁，盖過了油味，不知不覺食清光，口味略重，送飯一流。小食-陳醋雲耳有涼拌鳳爪的微辣，十分開胃，足夠2人食的份量，唔錯唔錯。甜品-腐竹薏米糖水腐竹融入當中為熱豆漿，再摻入軟軟糯糯的薏米，十分滿足。期待夏天來食楊枝甘露。