影片
更多
2021-04-01
2364 瀏覽
本身諗住呢一間小店，係呀OpenRice上面都有不少好評，同埋佢係用呢一個炭爐去燒塊牛扒，就諗住去試一試。當日我哋兩個人訂咗位安排咗喺門口吧枱，咁我哋就叫咗一份Prama Ham嘅頭盤，同埋兩塊牛扒。首先，個頭盤Prama Ham完全冇風乾火腿應該有嘅香味，而且塊火腿唔乾身，亦都冇見到有好多油脂係個面上面。最離譜嘅係，配搭火腿食嘅嗰個蜜瓜，一啲都唔甜，好似未熟晒咁。不過，要數最令我失望嘅一定係塊聲稱係炭爐燒出嚟嘅牛扒，呢一餐食咗成千蚊真係俾得好嬲。入到去都知道其實係可以去揀塊牛扒嘅，但一見到個display櫃，嘩，佢亂咁塞啲牛扒塞到full晒根本就揀唔到，摸上手凍到成舊冰，嚴重懷疑因為咁樣搞到最後塊扒一啲都唔好食。我哋叫咗一份medium,同一份rare. 份medium已經去到medium well, 而份rare更加熟到係Medium嘅程度。不過最離譜嘅肯定係塊牛扒完全冇鎖住肉汁，擺上台啲肉汁就已經出水出到離晒譜，十足十去茶餐廳叫定食，或者以前喺扒王之王食到嘅質素，好好地一份成$500嘅扒都俾佢煮到咁真係多謝晒，佢完全浪費咗個炭燒爐。當我哋同店員反映，會唔會塊肉喺雪櫃拎出嚟冇好好解
首先，個頭盤Prama Ham完全冇風乾火腿應該有嘅香味，而且塊火腿唔乾身，亦都冇見到有好多油脂係個面上面。最離譜嘅係，配搭火腿食嘅嗰個蜜瓜，一啲都唔甜，好似未熟晒咁。
不過，要數最令我失望嘅一定係塊聲稱係炭爐燒出嚟嘅牛扒，呢一餐食咗成千蚊真係俾得好嬲。
入到去都知道其實係可以去揀塊牛扒嘅，但一見到個display櫃，嘩，佢亂咁塞啲牛扒塞到full晒根本就揀唔到，摸上手凍到成舊冰，嚴重懷疑因為咁樣搞到最後塊扒一啲都唔好食。
我哋叫咗一份medium,同一份rare. 份medium已經去到medium well, 而份rare更加熟到係Medium嘅程度。不過最離譜嘅肯定係塊牛扒完全冇鎖住肉汁，擺上台啲肉汁就已經出水出到離晒譜，十足十去茶餐廳叫定食，或者以前喺扒王之王食到嘅質素，好好地一份成$500嘅扒都俾佢煮到咁真係多謝晒，佢完全浪費咗個炭燒爐。
當我哋同店員反映，會唔會塊肉喺雪櫃拎出嚟冇好好解凍處理，導致肉汁冇辦法鎖住同埋啲血水係咁滲出來。佢堅稱佢哋餐廳嘅處理手法冇問題，同埋佢哋係chill住舊肉而唔係frozen. 所以唔需要特別解凍處理。
我哋最後亦都有叫咗份甜品，個Jasmine味嘅Cream brûlée反而有驚喜，識落有淡淡茉莉茶嘅香味，值得一試。
張貼