影片
更多
2016-09-02
406 瀏覽
有傳一壽司宜家夜晚六點半後就有半價壽司，令黑壽一族唔洗再等十半，實在係一項仁政。半價壽司不設攞飛，需要喺門口排隊，並且新增最低消費每人$90，同之前黑夜壽司一樣，只有壽司、卷物、手卷、刺食有半價，再加正價加一，而期間限定嘅新款壽司變咗正價。對黑夜壽司嘅印象係好似放題咁，叫到食飽為止都係人均一百樓下。神奇嘅事發生咗，我哋兩個人嗌咗13碟共26件壽司，食完之後好似食咗陣風咁。粗略計咗下，已經過咗低消，見隔離枱加單話要等20分鐘，廢事再等埋單走人。上菜算係幾快，令到成餐飯更加如風，由埋單到走人用咗半個鐘，顛覆咗食壽司嘅概念。芝士飛魚子蟹棒壽司一啖咬落去，先係芝士飛魚子，再到蟹棒，最後壽司飯，成個組合非常之夾，每次嚟到必嗌。最佳食法係先咬咗兩邊凸出嚟嘅蟹棒，再成舊塞落口，咁就perfect池～蟹膏甜蝦壽司另一創意壽司之選，飛魚子配甜蝦口感獨特，加篤蟹膏更加鮮香滿溢，一啖食落肚，絕對齒頰留香。埋單兩人$190，未知係加咗價定縮咗水定本人大食咗，不過黑壽放題嘅神話都要幻滅lu
半價壽司不設攞飛，需要喺門口排隊，並且新增最低消費每人$90，同之前黑夜壽司一樣，只有壽司、卷物、手卷、刺食有半價，再加正價加一，而期間限定嘅新款壽司變咗正價。
對黑夜壽司嘅印象係好似放題咁，叫到食飽為止都係人均一百樓下。神奇嘅事發生咗，我哋兩個人嗌咗13碟共26件壽司，食完之後好似食咗陣風咁。粗略計咗下，已經過咗低消，見隔離枱加單話要等20分鐘，廢事再等埋單走人。
上菜算係幾快，令到成餐飯更加如風，由埋單到走人用咗半個鐘，顛覆咗食壽司嘅概念。
芝士飛魚子蟹棒壽司
一啖咬落去，先係芝士飛魚子，再到蟹棒，最後壽司飯，成個組合非常之夾，每次嚟到必嗌。最佳食法係先咬咗兩邊凸出嚟嘅蟹棒，再成舊塞落口，咁就perfect池～
蟹膏甜蝦壽司另一創意壽司之選，飛魚子配甜蝦口感獨特，加篤蟹膏更加鮮香滿溢，一啖食落肚，絕對齒頰留香。
埋單兩人$190，未知係加咗價定縮咗水定本人大食咗，不過黑壽放題嘅神話都要幻滅lu
張貼
