鮨芸館 (已結業)

落雨天最啱行商場☔D2哩到十部份都唔係連鎖食肆，所以感覺新鮮見到哩間食肆主打家庭式日式料理，入去試試整體裝修都合理，充滿正能量。較特別係枱面有顏色筆，啱晒小朋友同怕悶嘅大細佬。叫完餐無耐就送上沙律同漬物味道都只係一般，漬物淡淡易入口。但見到係一早整定擺係旁邊櫃上，就好似茶餐廳一早斟好嘅茶一樣。刺身要加20蚊兩塊，$10一塊係幾正，新鮮魚味。日式炸雞偏乾，內裡肉質紅粉色，相信係雪雞，味道正常。伴碟都有沙律菜可減油膩。可讚嘅係麵豉湯，味道較濃郁。咖喱只係有香冇味，似落漏咗調味泡芙相信都係一早整起，雪到出水環境坐得舒服，日式風格，80~90蚊個餐，難免食客會有要求，食品真係要再改進。