影片
更多
2023-11-07
382 瀏覽
間唔中都會想試吓多國菜，今次揀咗間曾經奪得米芝蓮嘅印度餐廳，環境裝修都好Grand，印度籍嘅職員相當有禮貌，成餐體驗服務十分滿意 👍🏻前菜薄脆片滲透香料味，尤其胡椒香氣特別出色，點上微酸薄荷醬，開胃之選。（一坐低職員就會端上）👍🏻南印度烤帶子伴茄子菠蘿果醬帶子肉質厚實，煎得香口，底層墊咗啲富有牛油氣息嘅椰絲蓉配菜，加上帶點酸甜嘅茄子菠蘿果醬，好refreshing。👍🏻蟹肉印度夾餅顧客可以自行選擇兩件或者四件嘅配搭，Taco鋪滿啖啖蟹肉絲，作為前菜真係最佳選擇，特別喜歡內裏加上洋蔥粒，味道相對清新。👍🏻蒜蓉大蝦調味配合得宜，蝦肉爽彈，雖然都係橘紅色，但係辣味唔重反而蒜味突出！推薦！👍🏻奶油雞肉配葫蘆巴葉黎到印度餐廳必選嘅菜式之一，滿滿嫩滑既無骨雞，浸係蕃茄、奶油、同埋葫蘆巴牛油醬入面，面頭仲加咗好多忌廉，成件事好濃郁又有奶香，夠哂Creamy。👍🏻印度大蒜烤餅四大片厚厚嘅烤餅，底部好香脆，整體帶煙靭感，成塊都沾滿蒜蓉，就咁食都已經好好味，小編建議一定要點上奶油雞個Sauce，完全將味道昇華去另一個層次，小編食唔停口！👍🏻香辣雞件印度🇮🇳菜以香料聞名，紅噹噹嘅雞件相當鮮艷，食落充滿肉汁，
間唔中都會想試吓多國菜，今次揀咗間曾經奪得米芝蓮嘅印度餐廳，環境裝修都好Grand，印度籍嘅職員相當有禮貌，成餐體驗服務十分滿意
👍🏻前菜
薄脆片滲透香料味，尤其胡椒香氣特別出色，點上微酸薄荷醬，開胃之選。（一坐低職員就會端上）
👍🏻南印度烤帶子伴茄子菠蘿果醬
帶子肉質厚實，煎得香口，底層墊咗啲富有牛油氣息嘅椰絲蓉配菜，加上帶點酸甜嘅茄子菠蘿果醬，好refreshing。
👍🏻蟹肉印度夾餅
顧客可以自行選擇兩件或者四件嘅配搭，Taco鋪滿啖啖蟹肉絲，作為前菜真係最佳選擇，特別喜歡內裏加上洋蔥粒，味道相對清新。
👍🏻蒜蓉大蝦
調味配合得宜，蝦肉爽彈，雖然都係橘紅色，但係辣味唔重反而蒜味突出！推薦！
👍🏻奶油雞肉配葫蘆巴葉
黎到印度餐廳必選嘅菜式之一，滿滿嫩滑既無骨雞，浸係蕃茄、奶油、同埋葫蘆巴牛油醬入面，面頭仲加咗好多忌廉，成件事好濃郁又有奶香，夠哂Creamy。
👍🏻印度大蒜烤餅
四大片厚厚嘅烤餅，底部好香脆，整體帶煙靭感，成塊都沾滿蒜蓉，就咁食都已經好好味，小編建議一定要點上奶油雞個Sauce，完全將味道昇華去另一個層次，小編食唔停口！
👍🏻香辣雞件
印度🇮🇳菜以香料聞名，紅噹噹嘅雞件相當鮮艷，食落充滿肉汁，香脆無比，油膩感唔重，特別喜歡佢嘅青椒紅椒！
👌🏻 草莓配脆米餅
相當特別嘅一份小食，用上穀物粒粒，加入士多啤梨，藍莓去堆砌而成，口感爽爽脆脆，外型滿分，不過味道則見仁見智。
👍🏻飲品
芒果Lassi 香甜滑身，Virgin Colada 相對清新，用咗菠蘿汁、檸檬汁做底，搭配椰子忌廉去打成，好似乳酪咁樣，令人喜愛。
張貼
