麥記美食

營業中

休息中

麥記除咗代表麥當勞之外，係北角就有一家店用「麥記美食」呢個名做到米芝蓮推介。成條街都唔多人，唯獨是「麥記」門口就大排長龍。等「麥記」嘅人可能比成條街行緊嘅人仲要多。今日唔好彩，排到嘅時候剛好賣哂生煎包，唯有轉食小籠包。小籠包整得好唔好食，好多時睇賣相就已經略知一二。首先要皮薄，隱約睇到入面，而且表面摺痕會較深。呢兩點「麥記」都做得唔錯。不過食落去發現入面唔夠湯，令到成個小籠包好乾，要點醋去彌補返。只可以話僅僅合格，希望下次會食到佢嘅生煎包。