三郎麵燒屋 (已結業)

之前食，真係好味。今晚再次去食，但食唔到，或者店員嘅朋友或隊友可能會服務好d。交左點菜紙，我填錯可樂，同店員確認係奶茶先真。佢俾番張點菜紙俾我，仲黎埋杯奶茶，我估應該落左單。見住我隔離店員嘅朋友遲黎都上曬菜，都有d奇怪。或者我點4餸要耐d，但店員無任何表示無任何提問，反而同朋友閒談。都正常，朋友熟客賞面，都要吹下水，明嘅。20分鐘，見住厨房停曬，仍然無人問我，唔通漏左單？或者真係有人為左杯奶茶去幫襯同坐20分鐘。我其實接受到譚仔，文記車仔麵d服務，麻luck佬有得食就ok，唔洗太熱情。但如果樓面未做好提供服務嘅準備，咁更好食都假，不過我唔係熟客，睇唔我都正常。最後真餓，所以只能堆單走人，店員員哥哥都同我解釋左因為我無俾番張單佢，所以無落單。咁我杯奶茶點解黎左？可能餐飲要填一張，點麪一張。不過私房菜，其實主要做熟客，希望下次佢會俾我試番食麵。