影片
更多
2024-10-10
0 瀏覽
龍華酒店～識呢間嘅人，真係肯定有返咁上下年紀，好記得兒時，間中會一家大細特登飛的士入去食～乳鴿，識食又想痛快，梗係要全隻上。 時至今日，連“放提”都有乳鴿食，而佢都仲能夠屹立，真係一啲都唔簡單。 二口子唔好貪心住，先叫二隻全鴿上，再叫個菜，清炒都$138，咁我寧願俾多廿蚊，啫啫時菜（通菜）煲。 唔使等好耐，全鴿先到，我唔會記得兒時咩味道，所以唔會扮嘢話～兒時嘅味道呀呢啲咁假嘅嘢！只能夠講～香口，唔太鹹，亦唔算大隻，承惠$128隻，一人一隻啪完，唔夠喉，再叫多一人一隻，當然係全鴿上。sorry, 食咗一半至影相，其實係比其他的大煲，畢竟成$158一煲菜，係好夠鑊氣，味道夠而不過鹹，配料有蝦乾等，收貨。今次簡單啲就咁叫二樣嘢，至於鴿嘅味道，我只能夠講，好過我飲茶$38/$48隻，同埋“放提”果啲，此終呢個年代，食物種類烹調方式林林總總，如果唔係因為“回憶”“懷緬”等等呢啲字眼，真係唔會選擇嚟呢度，而我哋今次嚟，係因為老婆去咗加拿大好多年都無返過嚟，所以嚟懷緬，食完呢餐都異口同聲講～夠了，真係無乜特別！所以應該有排都唔會～懷緬！回頭度：5/10
時至今日，連“放提”都有乳鴿食，而佢都仲能夠屹立，真係一啲都唔簡單。
二口子唔好貪心住，先叫二隻全鴿上，再叫個菜，清炒都$138，咁我寧願俾多廿蚊，啫啫時菜（通菜）煲。
唔使等好耐，全鴿先到，我唔會記得兒時咩味道，所以唔會扮嘢話～兒時嘅味道呀呢啲咁假嘅嘢！只能夠講～香口，唔太鹹，亦唔算大隻，承惠$128隻，一人一隻啪完，唔夠喉，再叫多一人一隻，當然係全鴿上。
sorry, 食咗一半至影相，其實係比其他的大煲，畢竟成$158一煲菜，係好夠鑊氣，味道夠而不過鹹，配料有蝦乾等，收貨。今次簡單啲就咁叫二樣嘢，至於鴿嘅味道，我只能夠講，好過我飲茶$38/$48隻，同埋“放提”果啲，此終呢個年代，食物種類烹調方式林林總總，如果唔係因為“回憶”“懷緬”等等呢啲字眼，真係唔會選擇嚟呢度，而我哋今次嚟，係因為老婆去咗加拿大好多年都無返過嚟，所以嚟懷緬，食完呢餐都異口同聲講～夠了，真係無乜特別！所以應該有排都唔會～懷緬！
回頭度：5/10
Btw:埋單時，姐姐話現金九五折，我哋呢啲cheap 精梗係俾現金！
影完呢張單，我計下條數，佢九五折點計？點解計嚟計去都唔啱，原來佢只計主食二樣嘢而唔係全單九五折，利害！咁嘅宿數你哋都諗到！
仲有食嘢嘅手套，啲阿姐話要自己出去攞，跟住又跟住我哋出去，又教我哋點攞，跟住又跟住我哋返埋位，我真係想問佢，咁你幫我哋攞過嚟其實有乜分別？真係想講粗口！咁扺質嘅服務，停留喺五十年前？
真係好嘢到無朋友👍張貼
