影片
更多
2021-12-02
66 瀏覽
總共響大橋頭幫襯過兩次，冇第三次了。第一次：見好耐冇食過台灣嘢，又見佢咁多人排隊，就響的試業期間去試下。叫左個牛腩湯麵同鹽酥雞蕃茄湯麵加杯珍珠奶茶。麵唔好食，飲品水平之下，鹽酥雞甩皮甩骨同冇味，蕃茄湯冇蕃茄味，湯底欠層次。所以食完一次，就同老婆講冇下次。亦聽到隔離檯講同一樣既野。咁點解有第二次呢？因為見佢menu多左野食，諗住試業完應該水準會有所提升，所以決定俾多次機會。坐低之後好快點左餐，叫咗一飯，一米線，一飲品同一小食。過左一陣，廚房同我地講話飯仲煲緊，要等20分鐘，問我地轉唔轉做麵。但因為真係想有飯落肚，所以寧願等，share住其他野食先。先上菜既係 紫金地瓜QQ球，味道一般所以唔多講。要講既係侍應唔夠醒目冇俾餐具。之後上既係麻油雞米線：味道比上次好左d, 雞都軟嫩，但米線就煮得太耐，同埋湯底都係欠層次。而飲品都比上次好（今次係叫黑糖生薑茶）。食完等左陣，個飯終於到啦。我地叫既係鹽酥雞翼肉燥飯。老婆食左啖，話d飯仲未熟。我試一試，感覺比食意粉既al dente再生少少。本來諗住等左咁耐，算啦食埋佢。但真係食多一兩啖頂唔順，唯有同侍應反映。佢地話不如轉麵食好唔好，我地再重申我地想
第一次：見好耐冇食過台灣嘢，又見佢咁多人排隊，就響的試業期間去試下。叫左個牛腩湯麵同鹽酥雞蕃茄湯麵加杯珍珠奶茶。麵唔好食，飲品水平之下，鹽酥雞甩皮甩骨同冇味，蕃茄湯冇蕃茄味，湯底欠層次。所以食完一次，就同老婆講冇下次。亦聽到隔離檯講同一樣既野。
咁點解有第二次呢？因為見佢menu多左野食，諗住試業完應該水準會有所提升，所以決定俾多次機會。
坐低之後好快點左餐，叫咗一飯，一米線，一飲品同一小食。過左一陣，廚房同我地講話飯仲煲緊，要等20分鐘，問我地轉唔轉做麵。但因為真係想有飯落肚，所以寧願等，share住其他野食先。
先上菜既係 紫金地瓜QQ球，味道一般所以唔多講。要講既係侍應唔夠醒目冇俾餐具。
之後上既係麻油雞米線：味道比上次好左d, 雞都軟嫩，但米線就煮得太耐，同埋湯底都係欠層次。而飲品都比上次好（今次係叫黑糖生薑茶）。
食完等左陣，個飯終於到啦。我地叫既係鹽酥雞翼肉燥飯。老婆食左啖，話d飯仲未熟。我試一試，感覺比食意粉既al dente再生少少。本來諗住等左咁耐，算啦食埋佢。但真係食多一兩啖頂唔順，唯有同侍應反映。佢地話不如轉麵食好唔好，我地再重申我地想食飯。最終佢地派人出去買左份白飯。
呢個位，讚一讚廚房先，因為佢地重新炸過d雞翼俾我地，所以買完飯重新上菜時，所有野係熱既。但上菜時，again, 侍應又唔夠醒目，冇俾匙羹我地。而問佢地後亦只俾得一隻匙羹，唔細心留意我地係share所有野（呢一刻我已唔想再去問佢拎第二隻羹啦）。
成個飯既味道係ok既，雞翼炸得靚同都夠味（係唔明點解d芫茜唔切細d)。
Overall, 食物係有進步返少少既，但服務真係差，唔留意食客既基本需要，而食物性價比亦有d貴。同尖沙咀食既價差唔多（但服務同味道都差好多）。
張貼
