影片
更多
2017-11-03
705 瀏覽
之前聽佢朋友講話元朗有一間食Omakase嘅壽司店好出色，講咗咁耐，今日終於有機會入來元朗朝一朝聖。先有個蒸蛋，同埋兩款漬物俾我哋食個蒸蛋上面，有黑松露打的芡，幾香幾特別，而且蒸蛋之中仲有幾粒瑤柱仔，份外鮮美。白色嗰款漬物，原來係芥末淮山，小小芥末香，淮山質地好爽脆，口感好好，師傅見我哋食完，仲會好細心為我地再添。鱈魚白子師傅話食完先至開估，聽見佢咁講都有心理準備，應該都係啲比較特別嘅內臟……食落真係好creamy， 中本有少少甜的醬油汁，多一重口味。食完之後師傅開估，原來係鱈魚的精囊，佢話女人食可以滋陰養顏。鰤魚接着，就係兩篇是與刺身，一片係抺了柚子末，味道清新，有開胃。另外一片係經過炭火網燒，更加燒出魚肉香。師傅有解釋，見到呢篇刺身嘅肉色偏紅，因為條魚運動量多，所以肌肉比例比較高，食落更加有口感。秋刀魚由於呢個秋刀魚係北海道直送 ，不用經東京的魚類批發市場，所以特別新鮮，由於秋刀魚呢種魚魚肉容易變壞，又得秋天三個月有得食，所以由北海道直送，更加確保新鮮。秋刀魚好鮮甜，而且魚味好香又特別，上面加了薑碎同白蔥，我諗原意係為咗去魚腥，但亦都令到味道更加豐富。 北海道帆立貝天婦羅 剛炸起，
之前聽佢朋友講話元朗有一間食Omakase嘅壽司店好出色，講咗咁耐，今日終於有機會入來元朗朝一朝聖。先有個蒸蛋，同埋兩款漬物俾我哋食
個蒸蛋上面，有黑松露打的芡，幾香幾特別，而且蒸蛋之中仲有幾粒瑤柱仔，份外鮮美。
白色嗰款漬物，原來係芥末淮山，小小芥末香，淮山質地好爽脆，口感好好，師傅見我哋食完，仲會好細心為我地再添。
鱈魚白子
師傅話食完先至開估，聽見佢咁講都有心理準備，應該都係啲比較特別嘅內臟……食落真係好creamy， 中本有少少甜的醬油汁，多一重口味。食完之後師傅開估，原來係鱈魚的精囊，佢話女人食可以滋陰養顏。
鰤魚
接着，就係兩篇是與刺身，一片係抺了柚子末，味道清新，有開胃。另外一片係經過炭火網燒，更加燒出魚肉香。
師傅有解釋，見到呢篇刺身嘅肉色偏紅，因為條魚運動量多，所以肌肉比例比較高，食落更加有口感。
秋刀魚
由於呢個秋刀魚係北海道直送 ，不用經東京的魚類批發市場，所以特別新鮮，由於秋刀魚呢種魚魚肉容易變壞，又得秋天三個月有得食，所以由北海道直送，更加確保新鮮。
秋刀魚好鮮甜，而且魚味好香又特別，上面加了薑碎同白蔥，我諗原意係為咗去魚腥，但亦都令到味道更加豐富。
北海道帆立貝天婦羅
剛炸起，外面香口，裏面鮮美，而且帆立貝好新鮮， 所先食到一絲一絲的，仲伴有甘香的海膽，同埋脆脆紫菜，真係令人一食難忘。（紫菜係來自丸山海苔店，係一間日本賣紫菜的百年老店）
享受美食之間，不過嚼幾口清酒🍶
北海道毛蟹
鮮甜嘅蟹肉之上，有濃郁嘅蟹膏，互相映襯，蟹嘅鮮味充滿整個口腔。
中拖羅
食原味，加左點醬油帶出吞拿魚的魚香，再可加wasabi 吊下味，講時講，個wasabi 好香，因為佢係即磨嘅，都唔會攻鼻，而且仲略略有少少甜，平時唔食Wasabi嘅我，都好欣賞。
大拖羅
師傅話靠邊置，係大拖羅嘅筋位，所以佢用火槍幫我地燒到啲筋脆啲，食落口唔使咁韌。
大拖羅，十分之香溜就唔使講，上面又有少少蘿蔔蓉，可以消消滯，又可以中和一下油膩感。
銀鱈魚
原來係BB銀鱈魚來的，而個醬係由奶、忌廉同海膽煮成，勁 rich！
黑鯥魚
係東京同靜岡的特産，先食到柚子香，然後胡椒的辣，而魚味幾清新。咬多幾下魚味突出啲。
深海池魚/鰝池
炭火網燒過，有少少炭火香味，少少肥，好高骨膠原，所以口感比較黏。
梳子魚/竹簽魚
秋冬的seasonal，好鮮美，燒過皮面、加啲黑松露醬，不過我覺得配黑松露醬就重味咗少少，同咁鮮味嘅魚肉唔係最襯。
北海道牡丹蝦
都係Seasonal ，食落蝦肉嘅口感有少少黏口。藍綠色的蝦子，仲帶來一個反襯嘅色調。
三文魚子
每一粒三文魚子都翠谷卜，仲加了甜酒鼓油，有少少柚子皮在底，呢個調味係我食過嘅三文魚子始終最高嘅境界！冇誇張到，係我食過最好味嘅三文魚子！
蝦夷鮑
連個醬汁係用鮑魚肝煮的，夠晒原汁原味，鮑魚煮到好林身，再加埋濃郁嘅鮑魚肝醬，
北海道咸館白海膽
見到呢一個排山倒海嘅海膽杯，簡直係震懾左在場嘅每一個人，師傅豪邁地，又或者係毫不留情地，張大大板嘅海膽係咁夾個杯仔度，令到佢變成一杯精緻嘅小雪糕咁。
我覺得佢哋個海膽溫度控制得好好，微微嘅凍，海膽保持鮮美，口感軟身得來又唔會溶到變咗一pat野，海膽嘅味道鮮甜得來，又嚐到佢嘅甘，而且食到某幾啖好似特別香濃，濃郁到少少似花生味。
飲完魚湯同食埋個右口魚巻物就到了水果時間，
係甜到笑的日本哈密瓜! 噴咗Whisky 仲香甜。
整體的用餐體驗很好，尤其是那個學富五車，學識淵博的壽司師傅，不但很用心地為我哋做每一到菜，而且談到魚的種類，食法，味道，同埋佢哋嘅生長都瞭如指掌，真正的專業！
張貼
