鳴門魚市場居酒屋 (已結業)

星期五放工想食好啲，晚市禁堂食唯有外賣。見鳴門做緊外賣自取八折，壽司刺身仲有半價好抵食，一於買外賣返去撐枱腳😍😍啲魚生新鮮肥美好高質素，大大塊兼且厚切，比想像中好好多呀，超驚喜，好幸福啊！炙帆立貝左口魚裙邊黑松露沙律$68啲醬汁微酸清新好開胃😋黑松露正正正名古屋芝麻雞翼(3隻)$50返到屋企都仲keep到香脆、肉質嫩滑。刺身~赤海蝦兩隻$58 三文魚4切$58壽司~ 吞拿魚2件$35 劍魚腩2件$32 油甘魚2件$38 三文魚腩2件$30 鮮貝柱2件$45整體食物質素好好，同堂食冇咩分別，尤其壽司刺身折扣優惠比較大好抵食！魚肉仲大過嚿飯😁叫多啲、食好啲都唔會肉痛！