Classy - Seafood & Steak

營業中

休息中

上星期我同家姐去咗觀塘Casply西餐廳，為咗預祝聖誕節🎄，試咗好耐都想試嘅餐廳。頭盤我地點咗法國蝸牛🦷，佢加入咗啲特製嘅麵包糠，擺喺蝸牛上面，係綠色嘅，仲好似森林咁🌳。食落口感豐富，有唔同層次感，好特別👍。我仲點咗個三文魚卷🐟，三文魚好新鮮，裏面包住嘅餡料係鬆脆嘅，層次感好特別。主菜我地都升級咗，要咗波士頓龍蝦🦞同安格斯牛柳🥩。牛柳就一般般，但係龍蝦真係有驚喜，用料好新鮮，已經拆曬肉，所以食得好暢快滿足😋。蘑菇湯🍄都好特別，有啲豐厚嘅感覺，好似打入咗空氣咁，我好鍾意。甜品雖然好多選擇，但係可能太夜，只剩返朱古力三層蛋糕🍫，雖然配搭得好靚，但係有啲太甜。總括嚟講，呢間餐廳嘅環境好舒適，由地鐵站行過嚟都唔算太遠🚶‍♀️。服務好貼心，經理仲送咗我地兩杯飲品🍹。我對呢度好有信心，下次一定會再嚟試其他甜品🍰。