慢煮工業 (已結業)

今日又同好友們聚一聚，今次搵咗依間裝修得幾有情調的餐廳，地方大，坐位寬闊舒適。羽衣甘藍哈蜜瓜沙律：好多人話羽衣甘藍對身體好有益處，今次我都係第一次食，味道帶甘；配上甜甜的哈蜜瓜及新鮮生菜好清爽。美式搖搖海鮮拼盤：係一個好特別的食法，侍應生送來時，將所有食物一起袋好，不停搖混後才放進碟中，見他誠意的樣子，很想給他一個讚。海洋拼盤食材很豐富，包括 (魷魚仔；八爪魚仔；青口；薯角；扇貝；蝦；粟米) 海鮮都算新鮮又有鮮味，我就最欣賞佢個"蒜辣真卡龍蝦汁"。軟心拉芝士條：剛剛炸出來，熱騰騰，一口咬落去，哈哈，真係可以拉到好長好長，芝士味道唔算很重，我個人怕羶味，依個味道剛好。黑牛：一般飲開係用朱古力雪糕，今次用了雲呢拿雪糕，朋友笑說變了乳牛，被他笑死。雖然不同的雪糕，但味道依然好好，最緊要係夠凍夠甜。