大隻佬麵家 (已結業)

放工後帶朋友仔去試下大隻佬麵家。每次去到都心大心細，好難決定食咩。餐牌上各式各樣嘅湯麵，撈麵撈河實在太吸引～是次㸃咗姜蔥豉油王撈麪，濃情金莎撈麪，油菜同淨雲吞。 雲吞大小適中，一口一粒，蝦肉爽口加上少量肥豬肉嘅油香，佩上韭皇清湯絶對唔俾麥奀記遜色。 濃情金莎撈麪即係豉油王撈麪加上適量炸香咗嘅大地魚碎比一般嘅蝦子撈麵更有特色。大地魚香脆，幼麪沾滿秘制豉油皇，麫質彈牙，口感十分豐富。除撈麵附上由大地魚和蝦榖制成嘅清湯，味道鮮甜重有大量蔥花香。從食材嘅配搭到烹調，都可感受到大隻佬嘅細心和誠意。