富山居 (裝修中)

上網見到大埔呢間餐廳啲食評都唔錯，今日經開大埔，於是膽粗粗嚟試！食完就知道唔怪得知啲人大贊啦👍🏻我其實係俾佢網上啲豬扒飯嘅相片吸引，因為張張相影到啲豬扒勁大份，引到我口水流🤤所以今日點都要食豬扒飯🤣我哋分別嗌咗兩個豬扒飯！各有特色，但都係咁好味❤️炭燒厚切豬扒飯配韓國餐肉蛋，分量十足，炭燒味香，塊豬扒又滑嫩。仲有塊厚厚嘅餐肉同太陽蛋😋太陽蛋啲蛋汁再加埋佢哋嘅秘製蔥油汁，撈飯食真係好正😚經典沙丹厚切豬扒飯配日本珍珠炒飯，濃郁嘅醬汁，一樣配埋太陽蛋同塊火腿，又係絕配！主角厚切豬扒同樣煮得相當出色，一啲都冇過老 ，肉質依然鮮嫩🥳