影片
更多
2019-04-29
2458 瀏覽
世衞建議成年人正常每日的鈉攝取量，不多於2000毫克。我相信呢度一碗拉麵已經超標。就拉麵店而言，我覺得佢既服務同環境係好的。但係我今日食既呢碗黑蒜油拉麵實在太重口味，鹹到痴咗線，嚴重程度係：當場飲完汽水+1杯水，回家再忍唔住飲1公升水。第二日都仲有口渴的感覺。太可怕！［頭盔：黑蒜油拉麵，可能其他好淡口我唔知］好多人話「嘩！門口有日式售票機」好特別唷～特別在於香港少見啫。間舖係有誠意既。但是日啱啱總數係101蚊。你話搵1蚊俾，定係俾一張大紙找返一大堆神沙先？落雨天要企响門外搵個1蚊出黎無疑就比較麻煩。入到去店員服務殷勤，馬上企到門口迎接，拿走半邊單據，下麵去。同時枱面已經擺好餐具和水，值得一讚。餐具套寫住「自由就是做想做的事!!過想過的生活!!」店內居然還播放著「人中之龍」遊戲插曲等日系MV。感覺相當熱血啊！講返個黑蒜油拉麵($83)首先，炸蒜係好味既，令成個麵昇華咗一大個層次。曲線亦都掛湯力十足，口感彈牙煙韌，富蛋香。鹼水味是有的，但响可以接受的程度，最少冇「壓」味。缺點是湯面頭會火速凝固一層油，同時由於蒜味太多過於突出，令本身的湯頭味道被搶。食落猶如硬生生啪晒蒸扇貝上的一大堆豉油蒜蓉
就拉麵店而言，我覺得佢既服務同環境係好的。但係我今日食既呢碗黑蒜油拉麵實在太重口味，鹹到痴咗線，嚴重程度係：當場飲完汽水+1杯水，回家再忍唔住飲1公升水。第二日都仲有口渴的感覺。太可怕！
［頭盔：黑蒜油拉麵，可能其他好淡口我唔知］
好多人話「嘩！門口有日式售票機」好特別唷～
特別在於香港少見啫。
間舖係有誠意既。
但是日啱啱總數係101蚊。
你話搵1蚊俾，定係俾一張大紙找返一大堆神沙先？
落雨天要企响門外搵個1蚊出黎無疑就比較麻煩。
入到去店員服務殷勤，馬上企到門口迎接，拿走半邊單據，下麵去。
同時枱面已經擺好餐具和水，值得一讚。
餐具套寫住「自由就是做想做的事!!過想過的生活!!」
店內居然還播放著「人中之龍」遊戲插曲等日系MV。
感覺相當熱血啊！
講返個黑蒜油拉麵($83)
首先，炸蒜係好味既，
令成個麵昇華咗一大個層次。
曲線亦都掛湯力十足，口感彈牙煙韌，富蛋香。
鹼水味是有的，但响可以接受的程度，最少冇「壓」味。
缺點是湯面頭會火速凝固一層油，
同時由於蒜味太多過於突出，令本身的湯頭味道被搶。
食落猶如硬生生啪晒蒸扇貝上的一大堆豉油蒜蓉般。
原本是「少食多滋味」既存在，
變成依家多得滯，冇咗個平衡，本末倒置咗
平時食麵一定會飲湯至一滴不剩的我，
今日無辦法飲晒呢個湯，
食完出黎仲要即時啪返粒香口膠。
再講下配料
有兩塊叉燒，肥美，肉嫩，醬醃得宜，
缺點是肉和脂肪本身已經有點分離，不完整。
切片既時候已經整到散散地。
味道合格，外貌唔合格。
筍和溏心蛋都整得好食。
切開蛋係有蛋汁緩緩流出。讚！
靜岡抹茶可樂($18)
抹茶味就冇乜，淡色可樂(多汽)一枝，味道還可以，甜度可以接受。
總結
雖然呢間拉麵我食完口渴咗一日，但無疑味道唔係差，只係重手得滯。服務亦佳，感受到佢既誠意同一腔熱血，我會俾多次機會佢。下次帶朋友黎食，叫佢食黑蒜油拉麵，然後我嗌其他。
張貼
