皇甘栗鮮炒乾果專門店

營業中

休息中

之前已經專誠黎食呢間涼果店嘅雪糕，真係一次難忘，早幾日咁啱經過大埔墟，咁梗係要入去再食雪糕啦。第一杯雪糕嗌咗陳皮口味，上次試咗話梅口味嘅雪糕，所以今次試吓其他涼果嘅口味。呢個陳皮口味嘅雪糕非常特別，食落去有粒粒陳皮，甜得來又有鹹鹹地嘅味道，喜歡食陳皮嘅朋友可以一試。第二杯雪糕就點咗栗子口味，雖然話栗子口味係人氣嘅雪糕，但係食落去就比起其他涼果口味嘅雪糕冇咁特別。有栗子味嘅，但係比想像中更加清淡。呢度嘅雪糕係可以配唔同嘅雪糕筒，我就揀咗朱古力威化糖，威化筒十分香脆，而且厚度適中，所以大家嚟嘅時候都一定要試一試呢度啲威化筒🍦。