影片
更多
2024-03-13
36 瀏覽
係珍姐火鍋隔離原來隱藏住一間好有風格嘅西餐廳，藍色嘅牆磚配搭着迴旋型嘅樓梯，感覺就好似入咗一間豪宅一樣。開放式廚房可以望住廚師即時烹制食物，然後熱辣辣咁樣捧上嚟面前，特別好味。呢度嘅lunch set好抵食，加$40就有晒湯，沙律同埋甜品。沙律嘅用菜好高質，係用咗貴價嘅火箭菜，配埋拍賣，加呢個價錢實在係好抵食。是日餐湯係椰菜花湯，飲落去反而係有種菇香，加上上面嘅忌廉同埋橄欖油，係好正宗嘅西湯做法，味道香濃，飲完陣味會留喺嘴裏面，令人回味無窮。龍蝦湯蕃茄長通粉配雞胸味道濃郁，龍蝦湯底好濃好鮮甜，配上少少酸嘅蕃茄醬汁，令成個配搭好香。雞胸煮得好嫩滑，慢煮後再將外層煎脆，盡顯廚師對食物嘅嗰份用心。蒜香大蝦火山扁意粉足足有五隻大蝦，意粉有好濃嘅蒜香，再加埋微微辣香，又開胃又惹味。是日甜品係香桃雪芭配馬卡龍，雪芭味道清新，係一餐完美嘅總結。最後仲加左呢度嘅signature churros 做甜品，呢到嘅churros 係即叫即整，炸得又香又脆。而且大大碟好多條，再加埋榛子醬擺盤擺得好靚，超級抵食！最後值得一讚嘅系呢度嘅侍應姐姐服務得好好，會主動收碟同埋斟水，值得一讚！
呢度嘅lunch set好抵食，加$40就有晒湯，沙律同埋甜品。
沙律嘅用菜好高質，係用咗貴價嘅火箭菜，配埋拍賣，加呢個價錢實在係好抵食。
是日餐湯係椰菜花湯，飲落去反而係有種菇香，加上上面嘅忌廉同埋橄欖油，係好正宗嘅西湯做法，味道香濃，飲完陣味會留喺嘴裏面，令人回味無窮。
龍蝦湯蕃茄長通粉配雞胸味道濃郁，龍蝦湯底好濃好鮮甜，配上少少酸嘅蕃茄醬汁，令成個配搭好香。雞胸煮得好嫩滑，慢煮後再將外層煎脆，盡顯廚師對食物嘅嗰份用心。
蒜香大蝦火山扁意粉足足有五隻大蝦，意粉有好濃嘅蒜香，再加埋微微辣香，又開胃又惹味。
是日甜品係香桃雪芭配馬卡龍，雪芭味道清新，係一餐完美嘅總結。
最後仲加左呢度嘅signature churros 做甜品，呢到嘅churros 係即叫即整，炸得又香又脆。而且大大碟好多條，再加埋榛子醬擺盤擺得好靚，超級抵食！
最後值得一讚嘅系呢度嘅侍應姐姐服務得好好，會主動收碟同埋斟水，值得一讚！
張貼
