囍囍車仔麵 (已結業)

星期六同幾個舊同學喺銖記食完飯，再去蓮園食埋甜品，發覺都唔係好夠飽，正諗住返出銅鑼灣再搵嘢食之際，俾我哋發現到呢間小店，我記得早排喺飲食雜誌都睇過佢哋嘅訪問，一場嚟到跑馬地，梗係要試吓啦!我只係叫咗幾個淨餸，我最鍾意佢嘅蘿蔔和豬紅，蘿蔔清甜無渣，好似食緊日式的關東煮咁；豬紅無腥味，口感亦佳；另外魚蛋彈牙，辣味適中；豬皮爽脆，唔會浸發過度，最後要一讚佢哋個湯，好明顯唔係味精水，唔會一味死咸，食完唔會覺得口渴。唯一尾中不足係無冷氣，現在大熱天時食就熱咗D，不過我下次都一定會再嚟，因為真係好好食，流住汗食都值得。