泰屋 (已搬遷) 新店位置

今日同朋友黎左依到一試,佢自己都話未試過,就叫埋我一齊黎喇,環境都算好好,入面夠哂大,可能未到食飯唔算太多客, 夠哂清靜,氣氛都算唔錯。朋友睇左一陣,就佢話事叫野食喇。首先就係薄餅,大家都鍾意食濃味,所以就叫左蒜味, 依個唔錯好好食, 睇落有層油係面,賣相唔算太好嫁,不過食落又唔同講法,夠哂乾身都幾好味至於青咖喱雞,大家都唔算食得辣,所以就揀左青咖喱,辣味都應該接受到既,不過原來都幾辣下,不過幾好味既,食左唔算太多,雞只係正常,唔算出位,但要提一提就係個咖喱唔夠稠呀。之後就係海南雞,賣相好靚,個飯睇落夠油,但食落又會話成口都係油,依個雞肉同頭先唔同,好食好多又夠滑加埋個酸辣汁,好夾,仲一個泰式炒通菜幾香既都好味道,至於蝦餅就普通雖然夠彈牙,不過就無咩蝦,整體黎講都唔錯喇。