鮨一魂 (已結業)

暫時仲未返到鄉下，就約朋友去食omakase一解對日本美食嘅相思之苦！.醬油漬赤身配以酸甜清香嘅柚子皮嚟提鮮，嫩滑而甘甜。毛蟹肉質飽滿而鮮嫩，鮮味無窮。喉黑啫係赤鯥， 魚皮滑溜，肉質鮮甜，油脂豐富，輕輕火炙表面逼出魚油，入口滿口魚香。大吞拿魚腩好肥美，佈滿精緻嘅魚油花紋，入口即溶，充滿油香。圓筒形拖羅卷每一啖都可以食到餡料，仲可以由頭食到尾，啖啖都係魚脂濃香，好滿足！粒貝肉質幼嫩爽脆，有咬口，味道清甜。師傅直接將海膽放喺客人手背，目的係確保唔會用餐具去破壞海膽本身嘅原味道，入口甘香鮮甜。