如意餅店 (已結業)

想食如意的蛋糕，最初是因為它像藝術般美的獨特外表。蛋糕是梅花形狀，或者是心形，上面畫了中國水墨風的花圖案，非常特別。試過後發覺裡面軟軟的 Mousse 又滑又好食。如意的蛋糕，大的至少要兩磅起，適合送比人做生日蛋糕。而我就鍾意買細蛋糕當甜品，因為一個份量剛好夠一個人食，一次過買幾件細蛋糕，試試不同味道，相信會更加開心。因為這個原因，我一口氣買了四件餅。分別是：熱情果味、藍莓味、巧克力味、芒果味。熱情果味：老闆介紹，這是如意最受歡迎的熱情果味，食落帶有微酸，味道清新，果然無介紹錯。藍莓味：味道跟熱情果差不多，有較強的酸味，好食但我覺得熱情果稍勝一籌。巧克力味：外面包了一層巧克力。裡面是 Dark Chocolate 所以不會太甜，令人喜歡。芒果味：四個蛋糕中唯一令人失望的一個，因為芒果味太淡。很有心思的一間餅舖。雖然多數人人買如意蛋糕都係外賣，不過其實間店唔算細，環境幾浪漫，有機會可以坐低嘆個 Tea 或飯後甜品。而老闆好 NICE，真係好有禮貌同熱心。唔單止食得開心，買果陣都覺得好歡樂。