華達台灣小食

營業中

休息中

今日想介紹嘅係位於小西灣嘅華達台灣小食因為友人住小西灣，所以成日都會去到小西尋好西，最近食厭左茶餐廳，想食下台灣野，所以就揀左華達。餐廳大約容納到二十人，再望望餐牌，價格十分親民，一睇就知做街坊生意。蠔仔爆醬鯊魚丸米線配沙爹湯底唔好睇個湯咁清，飲落去好濃沙爹味之餘，仲帶啲甜味，蠔仔分量唔算多，不過蠔味好鮮。鯊魚丸味道同平時的味道分別不大，米線分量同軟硬度都適中，唔會太淋。個米線仲配左我很喜歡嘅芹菜，芹菜獨特嘅香味可提升成個麵嘅魅力香芋珍珠奶茶飲品方面就真係普普通通，淡淡嘅香芋味加入一啲無味道嘅珍珠，飲完冇咩特別感覺。簡單食個晚餐，不用山珍海味，平淡也是福