影片
更多
2018-02-20
160 瀏覽
臨近情人節，我同男友一向都好少正日慶祝，又要多人，又要逼我地食情人節乜乜乜套餐，感覺唔多良好。.今年打頭陣揀左呢間 - - - Atum desserant. 佢最出名既係席前甜品，即係甜品師會係您面前以唔同既甜點組合成一幅好似油畫咁靚既甜品，相信有愛好甜品既朋友既人都會被佢洗過版😂😂.其實我都唔係第一次黎，上次係同好姊妹慶祝生日，今次就係情人節，我估呢度將會愈儲愈多回憶☺️.餐廳係位於銅鑼灣既商廈樓上店，一打開𨋢門就到，唔係好大間，圍住三邊既雲石吧枱，每邊最多坐四個客，由於人唔多，俾人一種幾寧靜同好高檔既感覺___________________________🔹席前甜品 $348 for 👫, $522 for 👩👩👦一坐底佢就會俾杯Welcome drink您refresh 下今日呢杯係🍓草莓汁，好開胃，用杯都唔係咁岩，應該用支，支飲品係test tube 裝住，好得意。.首先甜品師會要您揀畫布顏色，畫布有黑⬛️，白💭或灰⬜️3隻顏色可以揀，我覺得彩色🌈甜品撞黑色好似靚啲，所以揀左黑色，畫布既材質係膠，唔會令到佢容易走位👍🏻.然後畫師會問您有無咩食物敏感🈲，佢話如果敏感會改左用第二
.
今年打頭陣揀左呢間 - - - Atum desserant. 佢最出名既係席前甜品，即係甜品師會係您面前以唔同既甜點組合成一幅好似油畫咁靚既甜品，相信有愛好甜品既朋友既人都會被佢洗過版😂😂
.
其實我都唔係第一次黎，上次係同好姊妹慶祝生日，今次就係情人節，我估呢度將會愈儲愈多回憶☺️
.
餐廳係位於銅鑼灣既商廈樓上店，一打開𨋢門就到，唔係好大間，圍住三邊既雲石吧枱，每邊最多坐四個客，由於人唔多，俾人一種幾寧靜同好高檔既感覺
___________________________
🔹席前甜品 $348 for 👫, $522 for 👩👩👦
一坐底佢就會俾杯Welcome drink您refresh 下
今日呢杯係🍓草莓汁，好開胃，用杯都唔係咁岩，應該用支，支飲品係test tube 裝住，好得意。.
首先甜品師會要您揀畫布顏色，畫布有黑⬛️，白💭或灰⬜️3隻顏色可以揀，我覺得彩色🌈甜品撞黑色好似靚啲，所以揀左黑色，畫布既材質係膠，唔會令到佢容易走位👍🏻
.
然後畫師會問您有無咩食物敏感🈲，佢話如果敏感會改左用第二款甜品，好窩心
.
開始整喇，佢三兩下手勢已經用果漿畫左個底，每款用既食材都會同您介紹，又會搣多少少俾您試下味，感覺好似日本餐廳食緊omakasa！而且個甜品師好攪笑，例如紅豆奶凍會講笑話係午餐肉咁☺️😂，氣氛好好！
.
好多人黎到都係有紀念日慶祝或者黎打卡，甜品師都好貼心咁問您想寫咩
.
畫上面既甜點款式有好多款，有朱古力奶凍，柑桔啫哩，抹茶蕨餅🍵，焦糖脆脆，黑朱古力脆片，粒粒米通仲有啲水果，仲有少少咸咸辣辣既wasabi 奶凍。
.
而重頭戲當然係用液態氮整既份子雪糕，係您面前將啲朱古力漿果漿變成雪糕，望住果下真係覺得好神奇😍我個日既口味係竹炭朱古力🍫同紅莓味🍒。最後，仲會放上食落有啲焦糖味既龍鬚糖
.
口味唔會係單一既甜，有甜，有酸，有苦亦有咸咸地既wasabi，口感亦有硬有軟，好豐富！可以由無到有，而且每一幅都獨一無二，感覺真係好難忘，唔講太多喇，大家不妨自己去感受下！💐
___________________________
張貼
