Hugo Le Resto Grill (已結業)

呢間係銅鑼灣怡和街既樓上西餐廳 係過百老匯對出既大馬路成日都會見到佢。今日就黎試下佢。可以散叫或者叫set。Set就有個湯有包有個main有餐飲，仲有個自助沙律吧！沙律吧除左有菜之外，仲有凍蝦同青口，冇沙好新鮮。湯係preset左龍蝦湯，可惜我對龍蝦敏感，佢好好咁比我換左個蘑菇湯，超級多料！至於兩個main，分別叫左美國頂級牛肩肉扒同香煎老虎大蝦配黑松露忌廉飯。我鍾意5成熟，呢個牛肩肉扒啱啱好，下面有菇同菜，索左啲肉汁超好味。餐廳另提供黑胡椒同pink salt調味！個Truffle Risotto分量大，濃郁既黑松露味撲鼻而來，creamy既口感，係唔黏唔爛既飯。