農圃飯店

營業中

休息中

整體黎講都係正常水準，野食都算細緻，但未試到星級既感覺。可能因為係食午餐，未食到啲主菜。下次可能要試多啲主菜試真啲。有啲驚喜係佢前菜有白苦瓜，唔係好多地方有～牛仔骨，佢用西式煮法可以揀黑椒，燒汁同紫羅，因為唔知紫羅係咩野就諗住點黎試，黎到侍應解釋話紫羅係菠蘿咁解🤣🤣🤣🤣個牛仔骨煮得幾好，同埋揀得幾好，幾大舊肉～松茸餃，十足真材實料！ 裡面啲蔬菜都好新鮮！食落就知係新鮮做起，有心之作！大腸好食，而家好少高級餐廳會煮大腸，因為又要洗又賣得唔貴，呢到既大腸大大份，仲要煮得好食，都幾難得。