影片
更多
2008-10-09
52 瀏覽
知道有呢間餐廳好耐嘞，但因為路途遙遠一直拖拉至今先嚟試，從中環坐的士，連的士司機都知道有隻牛嗰間！睇嚟佢真係幾出名喎！落車直入，八點幾啦，竟然冇咩人，成日話會喺餐廳出現嘅汁王森美當然亦唔係度，淨係睇擺設，好難想像佢係一間出名嘅餐廳...除咗真係好懷舊之外！近門口放咗架唔開嘅舊式電視，側邊又放咗好多神像之類，有啲亂！入面另外有一架電視開住嘅仲播緊無線啲劇，邊有懷舊餐廳睇電視食扒餐架？似街坊茶記多啲喎！既來之，則安之，姑且試吓啲嘢食先！我哋叫咗兩個黑椒西冷扒餐加田螺： 羅宋湯：唔會「嘩」一聲，可以杰身啲就好嘞，好濃菜味，撈到有牛肉絲，味道都仲可以，跟湯嘅多士夠熱，唔錯！ 薯蓉焗田螺：啲 escargo 普通貨色，普通味道，無特別，薯蓉還可以，不過焗嘅都好難失手嘞，一定唔會太差！ 西冷牛扒：我哋兩個都要五成熟，出嚟好似熟咗啲，不過照食。肉質都幾彈，有牛味，亦有肉汁流出嚟，黑椒汁唔夠多，食到中途已經冇晒汁點嘞。配菜有薯角，蕃茄同切片節瓜，最好係薯角，又熱又脆；蕃茄亦有煎過，算有誠意；節瓜都唔太熟，整體上，主菜係好味嘅！ 香蕉蛋糕：甜品用香蕉蛋糕有啲特別，不過唔知點解個外型搞到好求其咁！味道唔會
知道有呢間餐廳好耐嘞，但因為路途遙遠一直拖拉至今先嚟試，從中環坐的士，連的士司機都知道有隻牛嗰間！睇嚟佢真係幾出名喎！
落車直入，八點幾啦，竟然冇咩人，成日話會喺餐廳出現嘅汁王森美當然亦唔係度，淨係睇擺設，好難想像佢係一間出名嘅餐廳...除咗真係好懷舊之外！近門口放咗架唔開嘅舊式電視，側邊又放咗好多神像之類，有啲亂！入面另外有一架電視開住嘅仲播緊無線啲劇，邊有懷舊餐廳睇電視食扒餐架？似街坊茶記多啲喎！
既來之，則安之，姑且試吓啲嘢食先！我哋叫咗兩個黑椒西冷扒餐加田螺：
羅宋湯：唔會「嘩」一聲，可以杰身啲就好嘞，好濃菜味，撈到有牛肉絲，味道都仲可以，跟湯嘅多士夠熱，唔錯！
薯蓉焗田螺：啲 escargo 普通貨色，普通味道，無特別，薯蓉還可以，不過焗嘅都好難失手嘞，一定唔會太差！
西冷牛扒：我哋兩個都要五成熟，出嚟好似熟咗啲，不過照食。肉質都幾彈，有牛味，亦有肉汁流出嚟，黑椒汁唔夠多，食到中途已經冇晒汁點嘞。配菜有薯角，蕃茄同切片節瓜，最好係薯角，又熱又脆；蕃茄亦有煎過，算有誠意；節瓜都唔太熟，整體上，主菜係好味嘅！
香蕉蛋糕：甜品用香蕉蛋糕有啲特別，不過唔知點解個外型搞到好求其咁！味道唔會太甜，咬落都幾軟熟！
檸檬茶&咖啡：老公話咖啡幾好飲！
森美真係好舊喇，係時候諗諗計搞吓，唔係呢啲懷舊餐廳一過咗呢個懷舊朝流就好難捱落去，靠熟客都唔係辦法！唔會再特登去喇，因為太遠而且講真唔係好特別，荃灣有間都好似咁嘅扒房，味道亦唔錯添！
張貼
