OPPA韓國燒肉店

營業中

休息中

我肚餓到要食晒成隻牛,依個牛氣沖天和牛拼盤都幾抵食。有多款質素唔錯嘅牛部位,有美國上肩胛肉,美國牛小排,美國下肩胛肉,日本A4背峰肉,日本A4上腦肉,日本A4肉眼, 澳洲和牛頸椎同澳洲和牛舌。 我個人就覺得日本A4肉眼同埋澳洲和牛舌就最好味。牛舌係厚切所以後囗感比較豐富 ,和牛油花分佈平均平均,牛味亦係最突出。食韓燒識食就一定係用生菜包住啱啱燒起嘅燒肉再加泡菜,減少油膩感,口感亦豐富D。 又或者一啖燒肉一啖白飯亦都好正。除咗食燒肉之外又點少得爐邊蛋,爐邊蛋裏面仲添加咗泡菜粒增加口感。韓燒又點少得杯生啤,一啖啤酒一啖燒肉完美配合,正。