大谷倉 (已結業)

我同2個朋友係2月7日去試下呢間新野，佢主打係火車送牛肉，貪得意去試下，雖然同想象中有唔同，不過係同區火鍋店黎講，都算係新穎。牛肉都係同普通店差不多，無乜特別驚喜，合理味道。但係一定要講下佢個自助配料，我第一轉出去攞，大約係7:00左右，夾到既係靚既 稻庭烏冬，真係真心興奮，點知到去攞第二轉，大約係45分鐘後，就變左係10蚊幾包個隻烏冬，個一下失望到一個點，唉………雖然話係試業，但係都無理由咁㗎另外，有魚生刺身可以攞，但係同其他配料放埋附近，D夾好容易搞亂，尤其係小朋友出去夾時，佢地好容易就會攞錯夾用。如果貪得意，都可以一試嘅，希望佢地既食材可以更穩定，因為除左烏冬外，其實其他配料第一轉同第二轉都係唔同左，只不過差別無咁大而言。