大谷倉 (已結業)

牛肉似樹皮....差到嘔🤮🤮🤮🤮🤮無下次.....👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻牛肉似樹皮....差到嘔🤮🤮🤮🤮🤮無下次.....👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻真心大家唔好去，海鮮唔新鮮，韓牛要加錢的，一位$228加一，雖然2人同行1人免費，但都不值得呢個價錢，從未試過寫食評，但真係嬲到一個點，點做生意？？？

在元朗安寧路近世宙樓下遛達,附近不少新開食店,看到一間叫大谷倉的韓式店舖,舗面甚大,依估計應有2千呎以上,既然剛巧下午茶時段,姑且試試,看餐牌,只有午餐及韓燒自助,價錢分別是52蚊至2佰零蚊不等,主要睇係食乜level的牛,不太肚餓只揀了一個叫牛肉泠凍風午餐,等了三分鐘,先送一杯凍蜜桃茶, 消暑佳品,稍後精采在送主餐用上路軌細車,送到你座位旁邊頗為特別,二話不說揭開一看,賣相合格,伴碟除了菜還有花膠仔,牛肉豆腐及壽司性價比高,只賣$62無話可說,此處還有晚市韓牛燒未試,下回分解。

約咗班同事放工之後去呢間大谷倉食牛，成日經過都好想食，終於可以試下喇。我哋總共有八個人，waiter安排咗我哋坐8人坐大卡位。可能坐喺冷氣口下，覺得好涼爽，座位闊，坐得好舒服。四周環境乾淨又夠光猛，新裝修嘛～但係佢哋有d仲係用緊舊式嘅gas爐囉，我地個煲放上去煲好耐都唔太滾，最後我哋要求換電磁爐，情況先有改善。（個職員初時叫我地等下，限時90分鐘喔，咁樣好難等bor）同其他嗰d一樣，俾一個價錢揀一款牛，就可以無限添，火鍋料，飲品，熟食全部自助。另外第一輪會有一個海鮮拼盤，但我都係食牛為先主。我地叫左安格斯牛，俾貴少少想食好d,點知再order嘅時候，已經唔覺得係安格斯牛，問一問waiter,佢竟然話係美國肥牛，2次都係咁，咁唔誠實可以唔洗再考慮黎食。肥牛厚薄適中，唔會太薄身，碌4-5秒就已經夠熟。第一輪入口都ok,但之後嗰d開始有d韌。食材豐富嘅，好多唔同選擇，丸物多，朋友話台灣腸好食，蔬菜新鮮。湯底有清湯，豚骨湯，地獄湯，番茄湯同壽喜燒，我地叫左個豚骨湯，奶白色，好靚。而朋友就叫左個番茄湯，陣陣番茄味，味道唔錯，唔會太淡。飲品及醬料選擇都滿足到我地。甜品選擇就係自助雪糕機，有綠茶同乳

話說好耐之前同男友經過，有侍應派緊Coupon我地拎左張，係100蚊現金劵，見4月尾咁得閒就晏晝去試下呢個頂級韓牛有無料到啦！平日午市食任食牛既唔算多，本身坐低既時候都仲揀緊要頂級定精選，因為都係1++，但轉頭侍應已經話精選無哂貨，就係咁一試試左個最貴既頂級！配菜我地都係拎左少少就算，主攻牛肉抵啲嘛！野飲都係任飲，但我地都係熱飲會會員，所以都無飲到啲咩😂但後尾睇食評原來係有乳酪雪糕，無食到，蠢左添！岩岩黎到，第一碟，係有啲失望，肉味無平日本地手切咁鮮嫩多汁，肉質都差啲，但再食第二碟，又唔同左，相比第一碟肉味鮮左！男友話可能咁岩第一碟唔係咁靚！同埋仲有個重點！就係烚幾秒就好食，因為真係熟得好好好好好好好好好快！其他唔同既牛我地都試左半碟，係安格斯肉味比較突出，但比較黎講都係頂級最好！另外澳洲豬（如果無記錯）係menu比較上既位置，都幾好食！但最後埋單，原來之前拎既現金劵只可以晚市用，有啲失望...

今日幾條友無野做，行過大谷倉系度宣傳午市丼飯，入去試下。點左個刺身飯，同三文魚腩，朋友就點左其他丼飯。上菜一睇，嘩影相打卡，呃Like一流。即刻做野，呃Like，成功得到朋友拍掌歡呼....食落都好新鮮！正。

晚上十時入去食 服務细心 態度又好 食物選擇多 落足本 有kale 有魚生 有海鲜 牛肉都好食 又有pop corn 有好靓落本既茶包 雪糕都有好多toppings揀 最後2人埋单3百多 店員送了2張100$ coupon. 下次会再來 值得推介

睇咗廣告，所以黎試下，又睇到之前啲食評，所以都唔敢大試，少少地試個lunch 頂級國寶韓牛放題！嗱！第一碟韓牛，真心覺得中咗伏，真係幾似擦子膠！咁咪試下第二啲，精選韓牛、安格斯牛，都真係好好食，好有牛味！死唔信邪又叫多半碟頂級，果然係好好好好食！超重牛味！同第一碟差太遠！終於又再補給多碟！食到差不多最後，發現有張字條教你韓牛涮5秒就食得！哈哈哈！涮5秒果然係好食好多！$248一位加一，一個lunch係好似貴咗少少，不過食到呢個質素嘅牛牛，ok la!!

坐低15分鍾都未有牛肉上枱，只有食配料同雪糕，3催4請先比部ipad點肉，粟米多渣冇味，湯底冇味，完全係食調味料醬味，勝在雪糕配料出面火煱冇，竟然用坐枱gas爐，再放煲上去，1啲都唔似韓式火煱

見到新開張又主打韓牛，而且有路軌送餐咁特別，所以一行4個去試。餐廳提供2款唔同既韓牛，我地揀左平個款試，價格大約係$350；而湯底就揀左壽喜燒。落左order唔洗2分鐘韓牛已經由路軌送到。本身個個都好興奮，點知食左一塊「o銀」到咬唔開。初初以為無跟佢淥5秒既食法，點知試左都係「o銀」到好似香口膠咁。最後我地叫左最平既美國牛食，而個壽喜燒湯底就越食越甜，甜到食咩都係同一種味。貴唔緊要，個食物質素真係好需要改善。一定唔會再有下次

我同2個朋友係2月7日去試下呢間新野，佢主打係火車送牛肉，貪得意去試下，雖然同想象中有唔同，不過係同區火鍋店黎講，都算係新穎。牛肉都係同普通店差不多，無乜特別驚喜，合理味道。但係一定要講下佢個自助配料，我第一轉出去攞，大約係7:00左右，夾到既係靚既 稻庭烏冬，真係真心興奮，點知到去攞第二轉，大約係45分鐘後，就變左係10蚊幾包個隻烏冬，個一下失望到一個點，唉………雖然話係試業，但係都無理由咁㗎另外，有魚生刺身可以攞，但係同其他配料放埋附近，D夾好容易搞亂，尤其係小朋友出去夾時，佢地好容易就會攞錯夾用。如果貪得意，都可以一試嘅，希望佢地既食材可以更穩定，因為除左烏冬外，其實其他配料第一轉同第二轉都係唔同左，只不過差別無咁大而言。

晚上6時半到達，場內一半空置，二人同行，被安排在醬酒位旁邊座位，害怕被人撞到，要求調位被拒。場內有2人客安排卡位。座位編排整差用gas爐，但待應只調到中火，發現煲起太慢，要自己調到大火。用電水煲，侍應加水，倒瀉水！用平板電腦加牛，待應有清楚解釋用法。

我本身唔係好鍾意食肉，啲朋友仲要去食韓牛火鍋放題🤣好彩有好多菜選擇，火鍋店好少有嘅貴價菜羽衣甘藍、冰菜、蟲草花都有,估唔到羽衣甘藍打邊爐係咁好食嘅👍🏻雖然唔係好鍾意食肉，但因為係朋友要食韓牛，我哋揀咗$388精選國寶1++韓牛放題，好食過喺韓國食啲韓牛（可能喺韓國食嘅韓牛級數有唔同，同埋係燒嘅）好有牛味，肉質幼嫩唔肥。飲品除咗汽水之外，有茶包可以沖熱茶，仲有阿華田😄食完想食乳酪雪糕，啱啱冇晒，諗住成10點半，人哋差唔多收工應該唔再refill，放棄返埋位，點知過咗一陣侍應走埋嚟同我講雪糕機refill咗有雪糕喇😍食材乾淨企理，環境亦寬敞舒適

今日男朋友話想去打邊爐，上openrice咁啱睇到呢間，見到得一個食評，開頭心諗係咪唔好食所以冇人去，又或者啱啱新開。所以就諗住博下，Book左8點不過早到左。一去到見到有曬花牌，原來係新開既，一入到去發現幾乎全場爆曬。呢間放題店係路軌送肉既，其他配料，飲品同雪糕就要出面攞，肉類要用pad落單。我地嗌左個鴛鴦湯底，地獄湯同蕃茄湯，前者好香麻味，但係男朋友就覺得唔夠辣，不過夠唔夠辣就視乎你既接受程度，後者就好有蕃茄既原味，唔會個味好假。我地揀左美國牛既套餐，送白豚肉，質素算高，地方又乾淨，服務態度好好，特別一讚係姓戴既經理，好好人，唔會黑口黑面！下次一定會再黎食，希望呢間放題店遲啲會開多啲分店！

由朗屏站落車，本來要去附近買“驊記”糯米池的，但經過世宙（新入伙樓盤）地舖有間新餐廳，職員都很努力在門外向顧客介紹，八卦圍去看看，是日式火鍋放題，但有什麼特別呢？原來是主打“韓牛”的火鍋放題來，店舖應算是香港第一家以“韓牛”做放題火鍋餐廳，而且更是以“運輸帶”將肉類，不經人手地送到客人餐枱。今晚本未有打算食火鍋的，但又好似幾吸引，係掙扎之下，不如先試個“安格斯牛肉”放題先試試功駕吧！如果軟硬件都不錯就再召集貪吃朋友進攻韓牛吧！下單要了一個雙併鍋，係蕃茄湯底+豚骨湯後，就前往自助醬料吧拿取心水醬料，這種自助醬料好處係，各式其式，有人喜歡多蒜蓉，有人只要炸蒜+辣椒，人人都自得其樂。至於蔬菜配料吧方便，也是比坊間的足料，蟲草花，丸類，魚皮餃不缺，更加有台灣腸供應。最吸引我眼球的是，這裡有供應被譽為 Super Food 的羽衣甘藍(Kale) 供應，有時自己屋企又唔會買返去煮，工人姐姐亦唔多識點煮，而且價錢唔平，既然呢度有得供應，自然要食個夠啦！到主角安格斯牛肉，牛味濃郁，在滾湯快灼四五秒已經可以起錨，過久會浪費了這麽好質素的牛肉。此外，這裡每一個級別的餐都是包括可點“西班牙白豚”，其特別在