立鮨 (富達大廈)

營業中

休息中

當你唔算太餓但又到咗食晚飯時間，唔食又驚夜啲肚餓，正餐又驚食唔哂，呢個時候壽司應該算係最好嘅選擇之一。講到食壽司通常都會諗起大果幾間連鎖壽司店，唔係行過都唔知呢度開咗間新嘅日本嘢，見個鋪頭名即刻聯想起立食，門口個哥哥仔幾有禮貌，我地行過佢已經好欣勤咁介紹佢地有咩嘢好食，見無人排隊就入去試吓啦。鋪頭面積一眼睇哂，一排壽司吧枱，企滿應該20人左右，吧枱入面都有成四五個司傅喺度整嘢食，我地喺紙仔圈咗要嘅嘢食交俾吧枱司傅，唔洗等好耐好快就有嘢食，壽司嘅賣相同一般連鎖壽司店嘅好唔同，食材亦都相當新鮮，食親日本嘢我必定會叫湯飲，呢度嘅鮮蝦味噌湯你一定要試吓。