影片
更多
2024-11-07
53 瀏覽
天氣終於涼返啲，可以開始打邊爐啦。今日放工同朋友嚟太子食火鍋，整體嚟講好食又好抵食。我哋揀咗海南椰子雞鍋，個鍋一上就聞到好香椰子味，雞另上先，可以睇到好新鮮。店員教我哋等啲湯滾咗先落雞，5分鐘之後熄火再焗。然後我哋就食到又香又滑嘅海南雞，仲有好飲嘅椰子雞湯。打邊爐一定要有牛，我哋揀咗霜降頸脊肥牛。份量勁多，賣相超靚，食落好香牛味，點埋佢嘅XO醬，真係好夾。另外叫咗鴨血，份量又係勁多，唔腥好滑。雲吞半份有四粒，可以食到好彈牙嘅蝦，因為好足料所以好飽肚。魚腐吸哂啲椰子雞湯，點辣椒豉油或者XO醬都好正。蝦滑墨魚滑係最驚喜嘅餸，落嘅時候已經見到啲好靚嘅蝦肉，煮完入口真係好彈牙同新鮮，同雞湯好夾。嘢飲要咗鹹檸七，有好大粒鹹檸係入面，好飲。推薦一大班朋友一齊嚟食，可以食到多啲嘢。
我哋揀咗海南椰子雞鍋，個鍋一上就聞到好香椰子味，雞另上先，可以睇到好新鮮。店員教我哋等啲湯滾咗先落雞，5分鐘之後熄火再焗。然後我哋就食到又香又滑嘅海南雞，仲有好飲嘅椰子雞湯。
打邊爐一定要有牛，我哋揀咗霜降頸脊肥牛。份量勁多，賣相超靚，食落好香牛味，點埋佢嘅XO醬，真係好夾。
另外叫咗鴨血，份量又係勁多，唔腥好滑。
雲吞半份有四粒，可以食到好彈牙嘅蝦，因為好足料所以好飽肚。
魚腐吸哂啲椰子雞湯，點辣椒豉油或者XO醬都好正。
蝦滑墨魚滑係最驚喜嘅餸，落嘅時候已經見到啲好靚嘅蝦肉，煮完入口真係好彈牙同新鮮，同雞湯好夾。
嘢飲要咗鹹檸七，有好大粒鹹檸係入面，好飲。
推薦一大班朋友一齊嚟食，可以食到多啲嘢。
張貼
