Motu Kiwi (已結業)

今日朋友S想試新嘢，我哋就嚟呢間試試。環境簡潔，我哋 order 咗三個lunch set($118 each)，頭盤炸磨菇，主菜是鹿肉腸pizza, 羊肉三文治和煎三文魚，還有一杯飲品。我哋加一客炸芋頭($25)。靚女Waitress服務周到，詳細講解食物的製法，值得一讚。  炸磨菇 將飯讓入磨菇內，外層是麵包糠，十分香脆 ，加上黃椒汁，幾特別。  鹿肉腸pizza，皮薄香脆, 朋友話十分好味 。  羊肉三文治，法包加上羊肉和一些配菜，朋友話醬汁和羊肉配得好 。  煎三文魚，煎得剛剛熟，外脆內滑 ，真係有心之作 。配菜係薯仔沙律，味道也不錯。  炸芋頭，芋頭十分粉，先焗後炸，所以不太油，食落外脆內軟，很不錯 。最後一杯香滑熱朱古力，十分滿足。