鮨芸館 (已結業)

最近調左去荔枝角返工，咁啱呢日啲姊妹又係附近返工/有嘢搞，所以就黎左D2 Place 度食嘢。我地一共叫左4樣嘢食，係度會介紹最鍾意最難忘個兩樣。鰻魚厚燒玉子($80)呢個係其中一姊妹指定要點既，覺得佢夠特別。玉子真係好厚身，甜甜的又好滑，估唔到同鰻魚可以咁夾。不過以件數黎講，價錢好像有點偏高。三文魚親子丼(118)一向好鍾意食三文魚，但呢一個菜最值得讚既係啲三文魚子─好大粒好香好新鮮，一啲腥味都無，令呢個dish生色不少。呢度其中一個特色係佢會比啲圓形卡仔同顏色筆我地任畫同填色，再隨意貼係牆上，有得食又有得玩。講明呢張係人地畫既，我地個張就唔post上黎了。今年係我地相識10週年，真係好有紀念價值。